Leven van merels ien e tuun (3)

 

Toen kwam der n onverwachtse wendeng ien t verhoal. Om wat te luchten stoan e deur van e keuken open. n Beetje luchten an t enne van e dag. 

We heuren n doffe klap. 

Doar lag t mantje merel. Ien de vlucht onderbroken deur de deur. 

T dier zag der wat pips uut. n Bord met wotter veurzet. Wotter ien e snoavel doan. 

t Oogje ging wer wat vedder open. Mor met zuks n blik is der gien denken aan n goie vlucht. 

Hemel leek nog blaauw, more boven de huzen verschenen donkere wolken. Overdrachtelek dan ien dit geval. Mor de zwad-widde vogels wachten rusteg. Toen ik beder keek, meende ik moeke okster te bespeuren met links n honger jong. 

Dat beloofde nog wat veur vanoavend. Misschien mos k mor wat langer opblieven vannacht. 
 

Leven van merels ien e tuun (2)

 

Jongen gruien knap haard ien n week tied. t Nust wordt der niet rumer op. Doar zitten ze hutjemudje ien t nust. En dat met hetten van leste weken. 

t Mantje was woaks en werd feller noarmoate jongen groder werden. 
 

Leven van merels ien e tuun (1)

Leste moand hemmen we gasten had ien e tuun. Der wer baauwd of t leven der van òf hong. En doar warren ze toen: vijf groenblaauwe mereleier. 

 

t Mantje vloog voak opndel, dat ik docht der bennen jongen. t Bleek aans te leggen. Eier warren nog niet uut. Achternoa he'k onneerd dat t mantje zo voak opndel vloog om t wiefke te voeren. Mor t was opvallend hoe weineg opmerkzoam t mantje was. Een en aal aandacht veur t wiefke, gien blik scheen er te gunnen aan omgeving. En die omgeving is niet altied eier en jonge vogels gunsteg gezind. Oksters, n valkje, katten, veul katten, t gevoar ken aan alle kanten loeren. 

 

Hoe t ok zij, Tot dat op n gegeven moment  beide older vogels wat hinneweer vlogen. Toen was t dudelek. Rose jongen met hierndoar wat donsveren ien t nust. Aander keer meer over de merel / kliester.