Maislaand

t Is slim dreug ien t laand, hoe nat et ok west het ien meert en april.

De mais wringt hum noar boven en laange riegen met eerste bloadern wuiven ien e wiend.
Vroeger wer dit hooiersweer noemd, nou is hitte alleneg geschikt om ien e zun te bakken. Of, om wat deur t laand te strunen.
Kiewieten en scholeksters voelen heur wel thuus op maisakkers.

Op et  nog lege maislaand ken-je meters en meters kieken. Op zo'n 40 riegen òfstaand n kiewietsnust vonden. Dan is de bril wel goed òfsteld, docht ik zo.

En dan, n scholeksternust. Krekt anpikt, of eiglieks, n haalve dag doarveur, nou nog even deurzetten.

Lied Kraai zongen deur Lianne Abeln

Op 7 mei 2017 het Lianne Abeln mien liedje Kraai speuld ien Pottjewol (Paterwolde).

Optreden Lianne Abeln Potjewol 7 mei 2017.

t Was schier! Heur mor even noar de Grand Old Lady van de Grunneger meziek.
Lianne Abeln zingt KRAAI

Begeleideng deur Ed Wennink - basgitaar en Nettie Vening - pioano.

Interview op Oader

Noar aanleideng van de Johann Friedrich Dirkspries die mij ien februoari 2017 deur de stad Emden uutreikt is, het Jan Glas van Oader - t Grunnegs literair tiedschrift - mij n interview òfnommen.

Lees meer via link:  interview op Oader.

Ien t interview stoan de drie gedichten Voader en zeuns, Broers en Vekaansie.

Sfeervol optreden met Procussion ien Gruupskerk

Dat was n bizunder optreden doar ien Gruupskerk.
Slagwerkgroep Procussion verzörgde de muzikoale begeleideng zotterdagoavend. Roelf Postma componeerde de muziek.Sfeervol!

Luuster noar de opnoame van gedicht Weg 133.

Optreden ien Meeden Zundag 14 mei

Et Liudgerfestival wordt op zundag 14 mei holden ien e dörpskerk op de Maiden [Meeden] en t draait die middag om t thema LICHT. Ien Dagblad van t Noorden stijt n mooi artikel met o.a. domnee Pieterman. Artikel DvhN 1 mei 2017.

Elk ken n eigen geschreven verhoal of gedicht veurdroagen (of veurdroagen loaten) of n lied zingen over t LICHT; t zol mooi wezen as zuks baauwd is op n Biebeltekst.
Der wordt optreden deur de dichters Janka Rubingh en Willem Tjebbe Oostenbrink en deur zanger Gert Sennema.
t Begunt om 14 mei om 15.00 uur, kerkdeur is lös om 14.30 uur, en de mirreg wordt om 17.00 uur òfsloten met n vesper. De hule mirreg is vergees. Veur n vrijwillege bijdroage is der vaste pong bij bij de kerkdeur. Meer ienformoatsie: Festival Ludgerstichteng