Ruug weer

t Is veujoar, mor niet aal t veujoarsweer is met zunneschien. 

Nachts vrust et, overdags schient de zun en verswient hoagel gaauwachteg. t Gijt aalmoal an dit vogelskelet veurbij. 

Kiewieten hemmen eier, en summege aandere vogels ok al weer. Die loaten heur niet tegenholden deur t weer. 

Oavend ien Muntjeziel

t Schoftke leden was ik ien Muntjeziel. Muntjeziel is n dörp op de grins van Vrieslaand en Grunnengen, krekt an westkaant van t rivier de Lauwers. Doar trof k dit bret op e muur met "De Weem". 

Weem is t Grunneger of breder t Nedersaksische woord veur pastorie. Vroeger was t onderdeel van kerkeleke gebaauwen. Aandere woorden bruukt bennen: weme, wheem, wheeme. Ien Grunnengen en Drenthe bennen verscheidene wemen te vienden (beveurbeeld Westeremden).

Kennelek het Muntjeziel toch wel wat Grunneger woddels. 

t Het slim nat west, en ondertussen liekt het al weer zo.

Dizze duukòfsluteng is niet meer ien funktie. En hoe nat t ok wordt, t zel die funktie ok niet meer kriegen. 

Op t kerkhof stonden bij alle groaven nog iesdern nummerpoaltjes. Dat zigst niet overal meer. 

Meerkoetpiekje

 Doar is er of ze dan. n Piekje van de meerkoet op 11 april uut t ei. 

Kriegen we warm weer, wordt et koller? Wel zel t zeggen... 

Der leggen nog meer eier ien t nust, t is even òfwachten wat worden zel. 

Gedicht Zummerbries met muziek

Gedicht Zummerbries van Willem Tjebbe Oostenbrink met Klaas Jan van der Veen op euphonium.

Zummerbries op muziek.

Opnoame is moakt tiedens de prissentoatsie van de nije bundel UUTKOMST op 9 feberwoari 2024 ien Beilen. Oavend was organiseerd deur Huus van de Taol. t Gedicht Zummerbries stijt ien de bundel. 

En nog wat aans. Ien de leste editie van BLAD, t Grunneger lifestyle blad, ston n recensie van Fré Schreiber over de bundel Uutkomst.

Kiek mor even hieronder 

 

Uutkomst ienspireert Pervincioale Stoaten

20 meert was de veurdracht ien Pervincioale Stoaten van Grunnen. Wat bliekt: PS is tot nije ienzichten kommen. Je kennen rusteg stellen: Poëzie ienspireert! 

t Olle schemoa van Pervincioale Stoaten met verbeeldeng van strategische cyclus en tactische cyclus ien de trant van Mondrioan was an vervangeng toe.

Ze hemmen op 1 April n nij schemoa ontwörpen, ienspireerd deur dichtbundel Uutkomst. 

Zo bliekt dat poëzie Grunnengen ienspirereert! 

Noa de störm noar n stille Poask

t Was wat, leste weekenne wat t weer angijt. Dan weer meertse buien met hoagel, dan weer zunneschien. 

Meert roert zien steert en April dut wat er wil. Zo is t en niet aans.

Mor t weerde niet op de reigernusten. Tussen rukwienden en hoagelstienen deur rugelden eier uut t nust. Reigers kennen weer vannijs aan de bak met nije broedsel. 

Mor bedocht k me, ien dizze störm leek rusteg op d'eier zitten mij gien pretje. k Stelde me veur dat moeke-dieren misselek werden van hinneweer zoeiernde dennebomen en kokhalsend op t nust zatten.

Veur de eier moek et misschien ok niet veul uut, of ze nou ien t nust leggen bleven of dat ze op e grond kletterden. Hoeveul geklots en geschud kennen jonge embryo's ien de dooier verduren? 

t Had der veul van weg dat eier klopt werden, as onderdeel van n beslag.      

Optreden ien Pervincioale Stoaten - Aandacht

t Is Meertmoand Streektoalmoand. Doarom n veurdracht ien Pervincoale Stoaten. 

(c) Willem Tjebbe Oostenbrink 2024

t Ging over t verschil tussen aandachtspunt en prebleem. n Overzicht van termen ien t Grunnegs en ien t Hollaands. 

Veurdracht is te heuren via link: Veurdracht ien Pervincioale Stoaten.

Begun van veurdracht ongeveer op minuut: 00.16.00. 

k Moet der wat bij zeggen: k heb t ien de ienleideng over 'moeilijk'. Dat is noatuurlek ien t Grunnegs stoer. Toch bruuk k stoer niet ien d'ienleideng. Dat het te moaken met et verminderde gebruuk van 'moeilijk' ien t Hollaands en dat dit vervongen is deur 'lastig'. Dat wol ik dudelek aan de orde stellen. 

Der bennen ien t Grunnegs huul wat woorden veur perbleem: meleur, pech, trammelant, gedonder, dorie, toustand, ien zwoar weer zitten. Ok ien t Hollaands: punt van zorg, knelpunt, ding. En goa zo mor deur.  

Leste joaren is doar uutdoageng bij kommen. Crisis he'k niet opschreven, mor heurt der eiglieks ok bij. Noatuurlek stijt 'dingetje' der wel op. Dat wordt aals mor meer bruukt ien t Hollaands en niet allenneg deur managers. 

Woarom bennen der minder problemen as 30 joar leden? Woarom warren vroeger zo veul dingen moeilijk en nou niet meer? Hoe ken dat? 

De gedichten stoan ien de nije bundel Uutkomst (Huus van de Taol, Beilen 2024). Uutkomst is n mooi woord met veul betekenissen. De uutkomst van n gesprek, uutkomst van de som, eier kommen uut noa broeden, dreumen kommen uut sums. En de uutdrukkeng: Da's een uutkomst! as de oplösseng veur n perbleem.  

Börgemeester Ard van der Tuuk nemt UUTKOMST ien ontvangst

Dizze moand is Meertmoand Streektoalmoand. 

Börgemeester Ard van der Tuuk het de nije bundel UUTKOMST ien ontvangst nommen. 

Ik mocht aan t begun van de roadsvergoadereng het gedicht Grunnengen uut de nije bundel veurdroagen. 

Je kennen de veurdracht ien de roadsvergoadereng vanòf tiedstip 00.21.55 heuren: Veurdracht Gedicht Grunnengen. 

En goed nijs: de örganisoatsie Mien Westerkwartier het subsidie kregen veur heur aktiviteiten. 

 

Koeien ien buten op Heereburen

Der was n primeur òflopen zotterdag, ien elk geval veur mien ogen.

Melkkoeien overdags ien buten op Heereburen. En ze harren ok nog wat te groazen. Dat t zel wel goed kommen. 

Mor wat was et vroeg: 9 meert. Bizundere aanblik. 

Vledderbos bot uut

Leste doagen is et koller, mor verleden week botten veul bomen aal uut. Zo ok dizze vledderbos die al verscheidene takjes har.

Dat was an t ènne van februoari, hoe bestijt et, zol je denken.Oeit he'k ien n boek lezen over n wonderleke vledderbos die mid winter al met takken en blad ston uut te botten. Dat was zuks n grode  geheimenisvolle gebeurtenis aargenswoar ien de 18/19de iw, dat ze t opschreven harren.

Speenkruudbloemkes, hoe klein ok, steken narcissen noar de kroon.

Mor goed aal die bloemen die nou bloeien, zellen ons gien golden gloed ien april meer geven.

Sprutters bennen ok drok doende met ien zwaarm vliegen.

Bizunder gezicht. k Vroag me altied òf hoeveul vleugels mekoar zo nou en dan roaken. Echte grode botsengen worden je niet gewoar. Doartoe riekt t blode oog niet ver genog.

Optreden ien Noord-Sleen 10 meert

 Aankommende zundag organiseert Huus van de Taol weer Taal an Toafel - dizkeer ien Noord-Sleen.  

Postcode Noord-Sleen - Postcodeadresboek.nl (postcode-adresboek.nl)

Huus van de Taol schrift: 

Taal an Taofel

Op zundag 10 meert kuj anschoeven bij Taal an Taofel in Noord-Slien. Een combinatie van schrieverij, zang, meziek en lekker eten. Het programma bestiet altied oet optredens van streektaolige schrievers en zangers. Dizze zundag treedt Willem Tjebbe Oostenbrink en Jessica Bonnema op en verzörgt John en Nienke de meziek.

Tied: 11-14 uur

Entree: €20 (inclusief koffie/thee en warme maoltied)

Risserveren kan via Reina Zwiers: 0627518101 of reina.zwiers@planet.nl

Veujoar ien e kop

T het warm west veur de tied van t joar. Dat schilt weer ien e gasrekeneng. 

Reigers warren drok ien e weer. Met nust baauwen, takken slepen. Toen was t tied veur t treden en zat t mantje op t wiefke. 

Toen ik deur t park liep, leken overal bomen die ok iensteld warren op kontakt. Ze harren veujoar ien e kop, docht ik zo. 

 

Column over het lyrisch realisme van Wiesław Myśliwski

Een tijdje terug heb ik voor Meander Magazine een column geschreven over Het lyrisch realisme van Wiesław Myśliwski.

foto © Wikipedia

En, waarom ik het de moeite waard vind over deze romanschrijver uit Polen schrijven in een poëzietijdschrift. 

Lyrisch realisme noemt vertaler Karol Lesman het werk van deze Poolse schrijver en dat is wel een formulering die mooi aangeeft hoeveel poëtische beschrijvingen in zijn romans te vinden zijn. 

 

Reigers drok doende met nije nusten

Reigers bennen der weer. Drok doende met heur nust. Aal meer as n week. Of wat der van over bleven is noa haarfststörmen en aander guur weer.

Ze schriwen en roepen wat. Misschien zitten ze te bakkeleien over wel woar zitten mag. n Poar nusten bennen zitten bleven. 

Mor meeste reigers stoan wat te koekeloeren boven op e takken ien lege boomtop. Met òfgunst noar die, n huul nust onder de tonen hemmen. 

Der is waark aan de winkel. 

Poëzie lezen - twee avonden op 29 februari en 7 maart

Binnenkort is het weer zo ver: Poëzie lezen en vooral met elkaar in gesprek gaan. Wat zegt het gedicht jou? Wat doet het met je en hoe lees jij het anders dan ik?

Wanneer: 29 februari en 7 maart - 20.00-22.00 uur. (NB: de datum 22 feb is 29 feb geworden).

Waar: Klein Hanckema, kerkstraat 14 Zuidhorn.

Deelname: Gratis. 

Aanmelden: willem.tjebbe.oostenbrink AT planet.nl (waarbij AT = apestaart)

Tijdens een avond Poëzie Lezen passeren allerlei dingen de revue. Zo hadden we het een keer over de werking van een visnet. Wat is de essentie van een net? En waar lijkt het op? 

Iemand antwoordde dat het op geweten leek. 

Het heeft op mij een diepe indruk achtergelaten. 

Ik zie u en jou graag bij Poëzie Lezen. 

Uutkomst - Feesteleke oavend ien Beilen

 

Veurkaant Uutkomst - schilderij deur Ada Oostenbrink. 

Vrijdag 9 februwoarie wer de nije dichtbundel van Willem Tjebbe Oostenbrink prissenteerd ien t Huus van de Taol ien Beilen.

Hielke Westra (links) en Willem Tjebbe Oostenbrink (foto: Jur Engels). 

Hielke Westra, veurzitter van Mien Westerkwartier, nam t eerste exemploar ien ontvangst. Daarmet wer onderstreept hoe Mien Westerkwartier hum al meer as vieftien jaar ienzet veur kultuur en streektoal ien t Westerkertier.

Klaas Jan van der Veen (euphonium) en Titia Oostenbrink (foto: Jur Engels).

t Was n mooie oavond met n òfwisselnd program van veurdrachten en verhoalen. De muzikoale begeleideng was van Klaas Jan van der Veen (op euphonium) van de GBG brassband uut Grunnengen en Titia Oostenbrink (alt-saxofoon). 

Klaas Jan van der Veen en Willem Tjebbe Oostenbrink (foto: Jur Engels).

Twee gedichten werden op muziek veurdroagen met muzikoale begeleiding van t euphonium. 

Renate Snoeijing - directeur Huus van de Taol (foto: Jur Engels)

Directeur van Huus van de Taol Renate Snoeijing leidde de bezoekers deur t program.

Met veul dank aan Huus van de Taol ien t bizunder Roelie Koobs veur de redaksie en begeleideng van t hule projekt. Ik ben der wies met.  

Eigenoardeg

Wat zol dit wezen kennen? k Vond et onderweegs ien e berm. 

k Viend t n mooi figuurke.

Feitlieks was t dinkje eerst niet zo vol met rimpels. Deur uutdreugeng verschrompelde, schane genog, mij t ding.

Om der meer glaans op te kriegen, he'k et mor weer ien t wotter leid.

Noatuurlek krieg k et noeit meer weerom noar d'olde glaansrieke, mooie 8-vörm.

Zo gijt dat dan. 

Misschien vroag je je òf wat et toch wezen ken. Ik heur t groag van joe. 

 

 

Ien t veurbijgoan

Altied onderweegs bennen ze, mor lest kruusten dizze schippen nkander ien t Van Starkenborghknoal. Zun scheen heur stroalen. 

Nikki eiste ale aandacht op. t Ging snel zo as ze t aandere schip uut beeld joeg. Veur even.

Harren zo hoast? Of was et dat ze leeg voeren? Ze leken et niet an tied te hemmen. Allenneg even groeten ien t veurbijgoan. 

Ze laggen niet diep. Mor, om zo even te stoppen en proatje te moaken, dat is ok weer zuks wat.

Misschien n aander moal, dan mor, as ze nkander weer tegenkommen. 

Uutkomst - nije bundel met gedichten

De nije dichtbundel Uutkomst is kloar! 

Uutkomst is de daarde bundel met Grunneger poëzie uut t Westerkertier. 55 gedichten schreven ien t Westerkertiers. De veurkant is moakt deur Ada Katerina Oostenbrink. 

t Oog wil werkelekheid vastleggen, verbeeldeng schept en danst dermet. We zoeken ien onszulf noar de kern, allenneg aan d'oppervlakte kennen we stroalen. 

Bundelprissentoatsie is 9 februoari 2024 om 19.30 uur ien t gebaauw van Huus van de Taol, Raadhuisstraat 1, 9411 BN Beilen. Aanmelden ken via de link: Aanmelden veur 9 februoari

Met dank veur ondersteuneng bij de totstaandkommeng van Huus van de Taol Drenthe ien Beilen.

Bonbonboske

Doar zag k tiedens t lopen zo mor n boske met bonbons - t bonbonboske. Ien elk geval kwam dat zo even over. 

Of warren et kleine kerstballen, noa de feestdoagen vergeten en achterloaten? 

t Ken ok wezen dat et toch wat aans is. Mor k vond t wel n mooie noam. 

Sijsen aan t Anloërdiepke

t Was slim kold dizze week. Dat vonden vogels ok. Aan t Anloërdiepke ien Drenthe vlogen dikke koppels sijsen. Vogels kommen vermoedelk uut t noorden, doar is t nog kolder.  

Lucht zat der even vol met. Ien golven vlogen ze hinneweer om weer tot rust te kommen op de voedselakkers en t wintergroan (noamen van natuurienclusieve laandbouwmoatregeln). 

Zo drok as vogels ien e lucht warren, zo stil was t diepke. Allenneg wotter dat n uutweg zocht. 

Wolken trokken vot. Zun keek veurzichteg over raand toe en liet heur even zien. 

Column "Abstract en concreet" Meander Magazine

n Berichtje ien t Nederlaands.

Afbeelding Hermes, Griekse god van handel en boodschapper van de Goden. Ook bron van de term: hermetische gedichten. © Historiek

Het is een tijdje terug dat ik wat activiteiten heb georganiseerd rondom de begrippen abstract en concreet. Naast een presentatie over abstract en concreet in de kunst en de poëzie heeft dat geleid tot een column in het Meander Magazine Column "Abstract en concreet". 

De column onderzoekt de toepassing van abstracte begrippen en de wijzen waarop abstracte termen worden geconcretiseerd aan de hand beeldspraak, vergelijking etc. 

Wel interessante reacties ontvangen. Er moet nog een vervolg op deze column komen. 

Goeie veurnemmens en beste winsen veur 2024

Dizze vogels warren der nog niet uut. En dat et niet makkelek is, is ok dudelek. Want d'oalscholvers zitten doar om de hoaverklap.

Vogels vergoadern en delibereren over van ales en nog wat. Welke veurnemmens en welke winsen bennen der veur 2024? Antwoord wat winsen aangijt, is de beste wensen; veul heil en zegen ien t nije joar. 

Mor wat veurnemmens aangijt, doar wordt voak wordt minder hoog ienzet. Vogels holden et nog even ien beroad. Ok veur de vogel boven op de poal. Goeie veurnemmens bennen goed genog. Lös van de vroag of t veurnemmen nou uutvoerd wordt of niet. 

Summege veurnemmens blieven huul lang bestoan, omdat gienenent hum doar aan holdt. Dat zol je met wat lenig denken, ok de beste veurnemmens noemen kennen. Ze leven t langst.