Gemeente Noard-East Fryslân wol n wat dudeleker en met moat en regel òfsproaken deurvoeren over toalgebruuk.
Zo is der plak zuudkaant Kollum - krekt boven "Lest Stuver" bij de brug, doar leit t gehucht Augstbuert. Zo het t plak hieten sinds tiedstieden. Mor ien t Vries hiet dat Lytsewâld. En dus hemmen ze bedocht dat der twee noamen op t bret mossen. t Mooie is: ze hemmen de Vriese variaant Lytsewâld en de streektoal-variant van Kollumerlaands Augsbuert der op zet.
Dat Lutjewold ien de titel van dizze blog wordt niet bruukt - dat was even mien vertoaleng.
Met die streektoalen ien Vrieslaand valt et nog niet toe om ales goed deur te voeren. Want as Augsbuert n bret het met twee schriefwiezes, hoe moet dat dan met Warfstermeulen (Nederlaands: Warfstermolen)?
De Vries-sprekende minsen maggen dan wel Warfstermûne zeggen, mor de woarheid is, dat ien Warfstermeulen gien of naauwlieks Vries sproken wordt. Der wordt Kollumerlaands, Nederlands, Westerkertiers sproken. Dus doar zol ok streektoalnoam Warfstermeulen schreven worden moeten.
t Is òfwachten wanneer dizze gemeente de noamgeveng van Warfstermeulen oppakken zel.
k Zie volop kansen veur Warfstermeulen.
Geen opmerkingen:
Een reactie posten