Druk met Taal - optreden Grodegast

Ankommende zotterdag ien November is der n bizundere beurs met allerhaande optredens ien Grodegast. Kom kieken en luustern. Tussen 11.00-15.00 uur treden verscheidene dichters op.

 

Mien optredens bennen om 11.30 en 12.30 uur.

Pries op Appeldag ien Gelster

Zotterdag 19 oktober was t poëziefestijn bij de Abbeldag ien Gelster (Gelselaar) Gelderland.

t Gedicht Abbelval kreeg de daarde pries van de Nedersaksische ienzendengen. n Poar regels van t gedicht hieronder.

Ina Brethouwer uut Eefde ontvong de eerste pries. Meer informoatsie over winners via: Appeldag.blogspot.com. Ien e contreien van Gelster en Diepenheim viel ien buten kunst te bewondern. Diepenheim leit weer wat noordeleker, krekt ien Overiessel.

Dizze installoatsie hiet Het laatste appelmaal (Leste abbelmoal). Noam van kunstenoar ben k wiet.

De toavel was uutstald op n rechthoekeg grasveldje van 10 meter breed met n stroomke an drie kaanten der om toe.

Wat bleek? Et was de stadsbleek (bliekveld). k Har nog noeit van stadsbleek heurd. Vraauwen deden doar vroeger de was en lieten de was bleken.

Nedersaksische poëziewedstried Appeldag

t Is de tied van abbels plukken en doarom holden ze ien Gelster (nedersaksisch veur Gelselaar) Abbeldag (Appeldag). Gelster leit ien de Achterhoek (Gelderland). 

Ze organiseren allerhaande aktiviteiten, woaronder n Gedichtenwedstried veur Nedersaksische gedichten. n Gedicht van mij is nomineerd. Op 19 oktober wordt der n kulturele oavend ien e kerk van Gelster holden met poëzie en muziek. Dan worden winners bekend moakt.

 

Veur meer ienformoatsie met de liest van genomineerden, kiek mor even op Appeldag.