Gelieke tred

Voak is dudelek wat onkruud is en wat perkbloem. Toch ontgijt je sums t onderscheid.

Ja, k wiet et, dizze foto is niet van al te beste kwaliteit. Mor ik kreeg t niet beder vastleid. Op dizze òfbeeldeng stoan verscheidene planten, mor t gijt om twee.

1. De lila bloemege : tot de hoogte van de gele lien (linksboven)
2. De melde is wat spril, mor as je goed kieken zien je de groenege knoppen en bloemkes; tot de hoogte van de blaauwe lien (rechtsboven).

Wat mij nou zo bizunder veurkomt: ze bennen ongeveer even hoog. En dat op 2 meter hoogte! t Het n slim gruizoam weer west dizze zummer. En aalsmor hemmen dizzent gelieke tred holden. Soamen op. Schier.