Koolmees uutzunderlek vroeg

Weer of gien weer. Mor vandoag was et haartstikke mooi weer.
Toch vrust et snachts wel.k Snap der niks van. n Koolmees het aal zes eikes leit. 

Dit is uutzunderleke vroeg. Ien e joaren zeuventeg begon de koolmees te leggen rond 20 april, zeker niet eerder. Leste joaren hemmen ze sums eier veur 1 april. Mor half februwoarie - dat is weer n nije ervoareng.

Optreden Taol an Taofel 10 feberwoarie ien Noord-Sleen

Zundag 10 feberwoarie örganiseert Taol an Taofel n optreden bij Café-Restaurant Wielens ien Noord-Sleen. t Begunt om 11.00 uur.

Gasten dizkeer bennen (ien t Dreents): 

- Zanger Gerrit Denekamp komp oet EmmerCompas en is winnaor van het Drèents 
Liedtiesfestival 2014.
- Schriefster Kobie Kijk in de Vegte schrif humoristische verhaolen over heur gezin. In het Drèents vanzölf.
- Schriever Willem Tjebbe Oostenbrink komp oet Zuudhörn in de pervincie Grunnen en schrif in het Westerkwarteers.

Meer ienformoatsie: Huus van de Taol - Taol an Taofel - Optreden ien Noord-Sleen

Grunneger dichters ien Drachten op Fryske Dichtersjûn/Vriese dichtersoavend

Vries literair tiedschrift Ensafh organiseert weer zien joarliekse Grode Gedichtenoavend ien Kefee Marktzicht op 8 feberwoarie 2019. Elke dichter, ien wat veur (streek)toal ok, ken metdoen. Dizze oavend zellen de Grunneger dichters Jan Bos, Willem Tjebbe Oostenbrink, Melle Hijlkema en Klaas Duursma ien elks geval optreden. Tussen poëzie deur zel ien t gezellege Drachtster kefee Grunneger meziek klinken van Bert Hadders.

Petronen

Zo voak loop k dezulfde weg, gliek mien gedachten n zulfde pad lopen. Gedachten lieken sums an t pad vast te zitten. Petronen ien denken en doen. D'ene mins holdt van holvast. D'aander gijt der bij zitten en loat gedachten lopen.

Petronen kennen stoadeg-an groeien. Summegen schuven langzoam op. Aander petronen, doar moe-je gaauw bij wezen. Ze duken even op of ze bennen aal weer vot.

Gedicht ien t Duuts - Spatzen zählen

Veur Duutstoalege lezers: der is n gedicht ploatst ien n bloemlezing: Das Gedicht.

 

Dit boek is uutgeven deur Das Gedicht van Anton G. Leitner.
t Gedicht hieronder ien t Duuts - Spatzen zählen (Mussen tellen).