Are Meijer wint Freudenthalpries 2016

Are Meijer het met zien gedichtencyclus "Wurrems zoeken" ien de Gruupskerker streektoal de Freudenthal-Pries 2016 wonnen. De Freudenthal-Pries is de belangriekste pries veur literatuur ien t Nedersaksisch, dat de streektoalen omvat van t hule gebied ien t noorden van Duutslaand - van Emden tot veurbij Berlien en van Kiel tot argens bij Münster - én Noord- en Oost-Nederlaand (Grunnegs, Drents, Twents). De pries bestijt sinds 1957.

Are Meijer is ien dizze 60-joarege historie de 5e Nederlaander die bekroond wer. Ien 2010 won old-Gruupskerker Willem Tjebbe Oostenbrink de Freudenthal-Aanmoedegingspries. De jury het veur 2016 twee eersteprieswinners aanwezen. 
Are Meijer deelt de pries met de Duutse schriefster Jutta Oltmanns. An t ènne van september zel de pries uutriekt worden ien Soltau, n plak tussen Bremen en Hamburg.

www.heide-kurier.de/Ausgaben/online/06.pdf 

Penrose Poëziefestival 20 augustus te Amsterdam

Kommende moand is der n nij Penrose Poëziefestival ien Amsterdam met poëzie en muziek. 
t Klinkt mij wat vremd ien e oren. Toch is t zo: k heb mien debuutoptreden met nederlaandstoalege gedichten, mor n poar grunneger gedichten tussendeur moet, me dunkt, ok kennen. 

t Kleinschoalege Penrosefestival wordt altied holden op specioale plakken en apadde lokoatsies. 20 augustus 2016 is t op n veurmoaleg benzinestation. Belangstellenden kennen heur anmelden bij amorion@aol.nl.  

Meer ienformoatsie over t pregrammoa van e mirreg zie website: Penrose Poëzie Festival.

 

Penrose Poëziefestival is n initiatief van poëet en liedtekstdichter Are Meijer.

Over t festival schrift er der aargens: "Penrose is genoemd naar een Brits wiskundige, die geldt als de (her)ontdekker van de onmogelijke driehoek, een driehoek die je wel kunt tekenen, maar die in 3D onmogelijk kan bestaan. Dit poëziefestival richt zich op onmogelijke, althans zeer onwaarschijnlijke locaties. Van deelnemende dichters wordt verwacht dat ze er een eer in stellen op juist zo'n onmogelijke locatie poëzie ten gehore te brengen. "

Gedicht Spinsel bij Panorama Westerkwartier

Der lopt op t heden ien t Westerkertier de Kunstmeerdoagse "Tuin en Kunst Meerdaagse 2016" (23-26 juni en 30 juni-3 juli).

Panorama Westerkwartier het òflopen dunderdag Weids prissenteerd. Ien t handzoame boekje wordt landschap verbonden met tunen en kunst. Weids bevat foto's van waark van schilders en poëzie van dichters ien t Westerkertiers. 

Hieronder t gedicht Spinsel.

Foto: De Groene Gast - Lucaswol

Gedicht ien t Drents

Summege gedichten vienden n weg noar nij publiek ien tweede ienstantsie.

Ien t rapport van e pervincie Drenthe Uitvoeringskader Grond
stijt et gedicht Over laand en licht ien t Dréents.

Met daank an Abel Darwinkel van t Huus van de Taol.

Prissentoatsie Geschiedenis vd Drentse literatuur 1945-2015

n Moand leden was der prissentoatsie van de "Geschiedenis van de Drentse literatuur". t Boek is schreven deur Henk Nijkeuter. t Is n dikke pil worden.

Aangezien leste joaren zo nou en dan n gedicht van mij ien t Drentse blad Roet verscheen, is mien biografie met dichtactiviteiten ok opnommen.

Dizze moand wordt de Drentse versie van t gedicht 'Over Laand en Licht' opnommen ien n beleidsdocument van de pervincie Drenthe.

Westerkertierder zundagmirreg ien Den Horn 22 mei

Op 22 mei is der ien t kerkje van Den Horn n ‘Westerkertierder zundagmiddag'.
t Programmoa is van 15.00 uur tot 16.00 uur en wordt verzörgd deur Piety Hoven (zang en gitaar / piano), Willem Tjebbe Oostenbrink (gedichten) en Tonko Ufkes (verhoalen).
Deur is lös vanòf 14.30 uur.
 

Ien aansluteng op t programmoa volgt om 16.30 uur n Vesper ien t Westerkertiers.

De mirreg wordt organiseerd deur de Liudgerstichten  soamen met de Stichting Vrienden van het kerkje van Den Horn.

Toegang veur beide delen van e mirreg is groatis; der wordt aal n kollecte holden veur de onkosten.

Vogels en dichters ien Wommels

Vogels en dichters troffen nkander ien Wommels op 14 mei.

Murk Nijdam het n boereploats met 40 bunder greidelaand bij Wommels. Doar bennen 130 grutonusten te vienden. Doarmet het hij de hoogste grutodichtheid van Nederlaand en me dunkt ok van de heule wereld. En dan bennen der ok nog tureluurs, kemphoanen, liwrikken, kluten, bergeenden ...

Dichtheid van dichters op zien hiem was ok beheurlek hoog tiedens dizze "Fûgels en Dichters"-oavend
organiseerd deur de Moanne en Noorderbreedte. 


Der was n optreden soamen met Elmar Kuiper en Simon Oosting achter bij de schuur.

Lees meer ien e versloagen  Fûgels en dichters - De Moanne en Van Tjirken en Tureluus - Noorderbreedte.