Grunneger gedicht op Penrose Poëziefestival ien Amsterdam

Zotterdag 20 augustus he'k optreden ien Amsterdam.
Veur t eerst gedichten veurdroagen ien t Nederlaands.

Mor ok wat gedichten ien t Grunnegs. Veurdracht van t gedicht is te beluustern: Gedicht "Amsterdam-West (1) Van ver"

k Heb 10 joar ien Amsterdam woond. Toen k noar Grunnengen verhuusde ha'k alsmor n beeld ien e kop, da'k oplopen har bij t boodschappen doen tiedens een van e leste zotterdoagen an t Allebéplein.


Doar zag k onder n boom n jonge holdduuf dood ien t zaand leggen, zo leek et. n Okster liep drok hinneweer en hoalde zo nou en dan uut noar et donzeg bolletje. Met de snoavel pikte et ien e volle krop van e jonge vogel, doar n gat ien zat. Widbrune moaden, meende k te zien.
Ik heurde piepen. Toen ontdekte k dat t donzeg beestje nog leefde. En ien t gat van e krop, kon je de groankörrels zitten zien, die de duuf eerder op e dag as voer van ollen kregen har.

t Beest is warschienlek uut t nust rugeld, of gooid, wel zel t zeggen?
Doar zat et nou ien t zaand, zo laang as t duurde.

Fotoverslag Penrose Poëzie-festival ien Amsterdam

Poëzie op apadde plakken ofwel "Onmeugleke lokoatsies". t Is organisoator Are Meijer goed belukt om der òflopen zotterdag n mooie dag van te moaken. Optreden van verscheidene dichters, prozaschriever en muzikant ien e Roze Tanker. n Gemeleerd gezelschap, mooi publiek.

Organisoator: Are Meijer. Foto: Onno Wijchers

Hieronder n fotoverslag van optredens op Penrose Poëziefestival.

Roze Tanker ien e verte. Foto: Onno Wijchers

Muzikant: Annemarie Brijder. Foto: Onno Wijchers

Dichteres: Aurora Guds. Foto: Onno Wijchers

Dichteres: Alja Spaan. Foto: Onno Wijchers.

Willemien Spook. Foto: Onno Wijchers

 Veur meer ienfo: blog ien t nederlaands van Rein Swart.

Penrose Poëzie Festival 20 augustus bij de Roze Tanker

Zaterdag a.s. 20 augustus heb ik n optreden op het Penrose Poëzie Festival op lokoatsie de Roze Tanker ien Amsterdam met gedichten - in het Nederlands.

Voor informatie over het hele middagprogramma van poëzie en muziek, zie de poëzie-site van Robin Kerkhof www.poezieverrijkt.nl.

Aanmelden bij Are Meijer.

Are Meijer wint Freudenthalpries 2016

Are Meijer het met zien gedichtencyclus "Wurrems zoeken" ien de Gruupskerker streektoal de Freudenthal-Pries 2016 wonnen. De Freudenthal-Pries is de belangriekste pries veur literatuur ien t Nedersaksisch, dat de streektoalen omvat van t hule gebied ien t noorden van Duutslaand - van Emden tot veurbij Berlien en van Kiel tot argens bij Münster - én Noord- en Oost-Nederlaand (Grunnegs, Drents, Twents). De pries bestijt sinds 1957.

Are Meijer is ien dizze 60-joarege historie de 5e Nederlaander die bekroond wer. Ien 2010 won old-Gruupskerker Willem Tjebbe Oostenbrink de Freudenthal-Aanmoedegingspries. De jury het veur 2016 twee eersteprieswinners aanwezen. 
Are Meijer deelt de pries met de Duutse schriefster Jutta Oltmanns. An t ènne van september zel de pries uutriekt worden ien Soltau, n plak tussen Bremen en Hamburg.

www.heide-kurier.de/Ausgaben/online/06.pdf 

Penrose Poëziefestival 20 augustus te Amsterdam

Kommende moand is der n nij Penrose Poëziefestival ien Amsterdam met poëzie en muziek. 
t Klinkt mij wat vremd ien e oren. Toch is t zo: k heb mien debuutoptreden met nederlaandstoalege gedichten, mor n poar grunneger gedichten tussendeur moet, me dunkt, ok kennen. 

t Kleinschoalege Penrosefestival wordt altied holden op specioale plakken en apadde lokoatsies. 20 augustus 2016 is t op n veurmoaleg benzinestation. Belangstellenden kennen heur anmelden bij amorion@aol.nl.  

Meer ienformoatsie over t pregrammoa van e mirreg zie website: Penrose Poëzie Festival.

 

Penrose Poëziefestival is n initiatief van poëet en liedtekstdichter Are Meijer.

Over t festival schrift er der aargens: "Penrose is genoemd naar een Brits wiskundige, die geldt als de (her)ontdekker van de onmogelijke driehoek, een driehoek die je wel kunt tekenen, maar die in 3D onmogelijk kan bestaan. Dit poëziefestival richt zich op onmogelijke, althans zeer onwaarschijnlijke locaties. Van deelnemende dichters wordt verwacht dat ze er een eer in stellen op juist zo'n onmogelijke locatie poëzie ten gehore te brengen. "

Gedicht Spinsel bij Panorama Westerkwartier

Der lopt op t heden ien t Westerkertier de Kunstmeerdoagse "Tuin en Kunst Meerdaagse 2016" (23-26 juni en 30 juni-3 juli).

Panorama Westerkwartier het òflopen dunderdag Weids prissenteerd. Ien t handzoame boekje wordt landschap verbonden met tunen en kunst. Weids bevat foto's van waark van schilders en poëzie van dichters ien t Westerkertiers. 

Hieronder t gedicht Spinsel.

Foto: De Groene Gast - Lucaswol

Gedicht ien t Drents

Summege gedichten vienden n weg noar nij publiek ien tweede ienstantsie.

Ien t rapport van e pervincie Drenthe Uitvoeringskader Grond
stijt et gedicht Over laand en licht ien t Dréents.

Met daank an Abel Darwinkel van t Huus van de Taol.