Poëzie uutleggen en analyseren

Der bennen minsen die holden van gedichten en der bennen minsen die der niet van holden.

Summege minsen die wel van gedichten holden, kennen der weer n hekel an kriegen as heur noa t lezen vroagd worden wat ze van t gedicht vienden. We leven ien n vrij laand mor proaten over poëzie geft minsen voak een ongemakkelek gevoel. As de vroag nou over voetbal ging, of ziekte of zulfs over sex, mor poëzie...
Körtleden is mien prozagedicht "Ien e kern" ien t Drentse blad Roet publiceerd. t Was dizze keer n specioal nummer met as themoa  "Hier kom ik weg" van e Drentse Huus van de Taol.

Der bennen verscheidene menieren om van gedachten te wisseln over poëzie. Mien kollega JEP het zien analyse en kommentoar geven deur te tekenen. Hieronder de analyse van twee gedichten.

Boven: n gedicht ien de meer gebrukeleke, vrije stijl
Onder: t proza-gedicht.

Dit von ik n mooie prissentoatsie. t Geft n aander ienzicht en nije menieren om dingen bespreekboar te moaken. Misschien ok op aandre terreinen toepasboar.                 Bedaankt JEP !

Zwempad ien t Hoendiep

Gewoonleks hemmen je n looppad en n zwembad.
Mor ien t Hoendiep harren eenden òflopen moand noa n poar nachten vorst n zwempad.

Zwempad veur de eenden.  Foto: Willem Tjebbe Oostenbrink

Der hielden huul wat soorten eenden toe ien t Hoendiep leste weken.
Mor ja, as et n poar nachten niet vrust, is zo'n zwempad ok zo mor weer vot.

Eenden traauwens ok.

Optreden Rowol ien Meulen Woldzigt - zundagmirreg 5 meert

Zondag 5 maart 2017 15.00 uur Meulen Woldzigt Meert-Moand, Dialect-Moand 
Martin Korthuis liedjes zanger, Eddo Pol gitarist/zanger en Willem Tjebbe Oostenbrink dichter.

Kaarten in de voorverkoop á € 9,00 (tenzij anders aangegeven) 4 weken voor het concert verkrijgbaar bij: Boekhandel Daan Nijman  Heerestraat 87, Roden.
Reserveren via de website is ook mogelijk. www.cafehetrodehert.nl/reserveren-kaarten.

Preis für "een van uns"

Nog n foto van Radio Ostfriesland.

Hieronder n artikel uut de Zeitung Emden und Ostfriesland over de priesuutreikeng.

Nog wat historische ienformoatsie woar k ien mien schoeltied noeit van heurd har: 

De stad Emden het historische banden met Grunnengen en Nederland. Ien e tachtigjoarege oorlog zöchten veul Nederlaandse en Vloamse vluchtelengen onderdak ien Emden. Stad Emden groeide ien n poar joar tied van 5.000 noar meer as 20.000 ienwoners. 

Ien de tied van Napoleon het Stad Emden bij Nederland heurt ien het zogenoamde Keuninkriek Holland van 1806-1810. 

Ien t westen van Oost-Friesland was t olle traditie Nederlaands en Grunnegs te proaten. t Was de kerktoal en de schrieftoal veur Emders. Nog aaltied is der n Nederlaandse Consul ien Emden.

Westerkertierder Gedicht op radio 5 omroep MAX Wekker-Wakker!

Der valt n gedicht ien t Westerkertiers te beluustern op de landeleke radio!

Òflopen moandag 13 februoari was ik ien de uutzending van omroep MAX met heur programma Wekker-Wakker!

t Was best n laang gesprek eiglieks. Mor an t enne is der t gedicht te beluustern.

Glas - gedicht in het Westerkertiers

Nederlander wint Duutse Johann Friedrich Dirkspries

Gusteroavend mocht ik veur mien gedichtenrieg ‘Doar buten ien de wiede wereld´ de Johann Friedrich Dirkspries 2017 ien ontvaangst nemmen. Dizze pries veur nije Nedersaksische literatuur wordt deur de stad Emden om e twee joar toekend.

De rieg 'Doar buten ien de wiede wereld' omvat vijf gedichten schreven ien t Westerkertiers: Broers, Voader en zeuns, Verwachteng ien wenk en bewegeng, Kort hollen en Vekaansie.

De titel het betrekking op e aantrekkengskracht van verre landen, t verlangen om te reizen, de draang om vot te goan, mor ok de angst veur t vremde en de dreigeng van t onbekende.

De jury ontvong n vittegtal ienzendingen òfkomstig uut Schleswig-Holstein, Oost-Friesland, Amerland, uut aandre plakken ien Nedersaksen en ok Nederland. De pries is op 9 februoari ien Emden veur de daarde keer uutreikt. Veurege winners warren Gitta Franken en Jutta Oltmanns.

Veur minsen ienteresseerd ien nijs ien t Duuts:


Johann-Friedrich-Dirks-Preis geht an Niederländer

Optreden ien Liwarden / Ljouwert

Vrijdagoavend 27 januoari is der n Fryske poëzieoavend ien Liwarden,
oftewel ien geef Vries: Grutte Gedichtejûn Frysk Literêr Tydskrift Ensafh

Grunneger poëzie uut t Westerkertier kennen ze ok bruken en dus goa k doar ok henne/hin.

Lokoatsie: De Neushoorn
Ruterskertier 41
Liwarden

Meer ienformoatsie op:  Gedichtejûn