Barmsijskes

Zoveul vogels as de leste weken rondvlogen.

Onderwal met ruugte an de Zuderweg. Foto: Willem Tjebbe Oostenbrink

Uut kollere contreien kwammen ze noar hier. Ien de baarms, ien hegen, ien e toppen van de elderbomen en ien e rijten, zo nou en dan vloog der weer n koppeltje vogeltjes over. Op òfstaand ken je mor min bepoalen om welk soort vogels et gijt. Mor zo nou en dan tref et.
Doar zag k n lut vogeltje, misschien wat uutput. Wel wiet wat veur reis of dat t diertje had het. Niet meer hoog ien boom, mor nou even huul dichtbij even boven e grond ien e boskes.

Barmsijske. Foto: Jirki Salmi.

Doar keek t vogeltje mij even an, n barmsijske. Met zien rooie toefke boven op e kop. Barmsijskes kommen bij winterdag van de taiga. As doar te weineg voedsel is, trekken ze vot. Dan kommen ze massoal noar West-Europa en dus ken je ze ok vienden bij Zuudhörn. Ze legggen huul grode òfstanden òf. Doarom ken k me t vogeltje ok wel veurstellen om even op oadem te kommen.

Gedichtenoavend ien Liwarden 1 februoari

Op 1 febuoari is der weer de Gedichtenoavend ien Liwarden.
Optredens ien t Vries, Grunnegs, Nederlaands, Stadsvries, van ales wat.
En mien gedichten ien t Westerkertiers. 
De neushoorn he'k altied al n mooi beest vonden. Vroeger as jonkje har k aal liever de neushoorn as de eulifant.

Woar / Wêr? Neushoorn. Ruterskertier 41, 8911BP Ljouwert Wanneer / Wannear? Op 01-02-2018 Hoe loat / Hoe let? Fan 20:00 oere ôf.

Leekster gedichtenoavend 25 januari

Kommende dunderdag is de Leekster Gedichtenoavend ien e Balkhoeve.

Mien veurdracht bestijt uut gedichten ien t Westerkertiers noast n optreden van tal van aander dichters. 

 

Aanvang: dunnerdagoavend 25 januoari om 19.30 uur 
Ien de Balkhoeve aan de Waezenburglaan 55 (noast RSG De Borgen). 
Aansluteng op t landeleke themoa ‘Theater’.

Meer nijs is te vienden op Leekster gedichtenoavend.