Eikes

Van welke vogel dit nustje is? De eikes bennen witteg met bruunrode stipkes. Voak vijf, zes eikes, niet groder as, ja wat eiglieks, de top van e pink van n kleine haand?

n Swalfkenust. Ze bruken olle nusten van verleden joar en ze baauwen nije nusten. Klei hoalen ze uut plazzen en uut slootswal. t Duurt wel n poar doagen veurdat alle klei dreugd is.Mor dan hemmen je ok n baauwwaark dat zo mor n poar joar met ken. Zo ruug en ruw as de butenkant is, zo zacht binnenien. Ien de veerkes van zwoanen, eenden, doar is t waarm leggen.

Eerste eikes bennen aal weer uut, domt vliegen de jongen uut. En dan komt de tweede leg. Dat, et gijt mor deur bij dizze vogeltjes.