Op vekaansie kommen je altied nije dingen tegen. Zo was ik ien t zuudwesten van Polen, ien e stad Jelenia Góra (spreek uut op zien Westerkertiers: Jelenja Goera, met n Vriese g- klank, of de Griekse gamma).
Bez bólu (spreek uut: Bez boeloe) - dat wil zeggen: Behandeleng "zunder zeer" doen.
As ik dat vroeger as kiend lezen har, zol k drekst veur dizze tandarts kozen hemmen.
Mien zus gaf ik oeit n keer de road veur bij de tandarts as t slim zeer dee: Even tanden op nkander bieten.
Achternoa zee ze dat zuks wat nou krekt niet de bedoeleng was. Ze har zowat ien e vinger van de tandarts beten.
Geen opmerkingen:
Een reactie posten