Gedicht ien t Dagblad van t Noorden

Dinsdag ston der wat nijs ien e kraant: t gedicht Oarden.

Toeglieks met t verschienen van t gedicht ien t Dagblad van het Noorden van dinsdag 22 september op de pagina van Grunnegs Goud, is et gedicht ok verschenen op webloug.

t Gedicht Oarden komt uut mien bundel Opdreugde troanen (Philip Elchers Groningen, 2013).

Gedicht Dwarsdiep

t Nije blad van d'Agroarische Noatuurverenigeng Boer en Natuur is uut. Der stijt n noagelnij gedicht ien: Dwarsdiep - Wotterpoëzie XIII, uut de serie van Wotterpoëzie.
t Gedicht is ploatst met n artikel over de historie van t Dwarsdiep, n klein diepke ien t Zudelek Westerkertier, dat argenswoar begunt ien e omgeveng van Moarum en overgijt ien t Wolddiep.

Dit joar is der nij laandienrichtengsproject opstart ien t Zudelek Westerkertier. t Dwarsdiep met t laand der om toe speult doarien n rol. t Gedicht slut aan bij de leste ontwikkelengen. 
Olle koart geft situoatsie van laang leden an. Nijziel as middelpunt doar twee wotterstromen van t noordelek Westerkertier soamenkommen. De tied dat Boerakker nog niet beston mor de kerk van t Faan dudelek aanwezeg. Boven Seballeburen en Oldekerk ien t Langewold stroomt n wotter richteng Surhusum oostkaant Lauwers, warschienlek et Caspar de Roblesdiep, de veurloper van t Hoendiep, mor dan n kilometer zudeleker gelegen.

Koart van t Westerkertier met tussen et Langewold en Vredewold et begun volgens de koartmoaker. 

As je meer lezen willen over hoe minsen voeten drogen holden kennen deur ontwikkeleng van nije noatuur, ken-je ok even kieken op e webstek: Zudelijk Westerkertier (Zuidelijke Westerkwartier).

Ienteresseerd ien t blad? Nem kontakt op met BoerenNatuur van et Zudelek Westerkertier.

Zo goed en zo kwoad as t gijt

Òflopen meimoand het t onderstoand gedicht ien e Grunneger Kerkbode stoan.

Festival NuisjeBoompjeBeestje ien Nuus - 4 juli

Zotterdag 4 juli is der veur t eerst t festival Nuisjeboompjebeestje 
met n vertoalslag noar Grunnegs meugelk - NuuskeBoomkeBeestje. 

Veul artiesten met muziek, theoater en zuks wat meer. 
t Wordt mooi weer, vast. 

Ien t Rieuw he'k smirregs n optreden met verscheidene muzikanten, dichters en verhoalenvertellers.

20 juni Òfscheidsfestival Café Restaurant de Tapperij

20 juni optreden is der t Ofscheidsfestival ien de Tapperij te Gruupskerk.

Ze holden der niet met op, mor der zel verbaauwd worden. Old moakt ploats veur nij.

Van Hengstenholderij, dekstation noar La Danza. Tussendeur ien e joaren zeuventeg nog ienzoamelplak west veur schoapewol. Boeren brochten de wol noar Kuper. Op n waarme zummerdag hongen grode jutezakken an e zolder ien e schuur. Jonges ien blode bast stonden boven ien e zakken om de schoapenvluzen goed aan te stampen. 
 

Dat wordt vierd met n levendeg en mooi pregrammoa.
Tussen 16.00 - 18.00 uur veurdrachten van gedichten deur o.a. Are Meijer en Willem Tjebbe Oostenbrink.

De uutkomst

t Zel weer veujoar worden. En doarnoa?
As t ei leit is, dan wordt der goed lang op brud. 
n Piek zit 21 doagen te wachten tot der leven is. n Eend dut der 28 doagen over.

Wichtje met eendepiel, krekt uut t ei. Foto: Willem Tjebbe Oostenbrink

En dan, dan kommen eier uut. 
En as eier uutkommen, is t even as of de wereld veranderd is. 

Tekst en uutleg:
Hörn      hoek
Piek:     volwassen kip, hen.
Gel:       onvruchtbaar
Brud:     broedsel
Piekje:  kuiken van kip
Piel:      kuiken van eend, gans (watervogel). Natuurorganisaties gebruiken het woord 'pul'.

Veujoar

Veujoar komt, mor met noorderwiend en oostewiend gijt t almoal niet zo hard.

Vroeger veul eier zocht. Zo nou en dan goa k nou nog wel t laand ien veur de weidevogelzörg. 

t Blift mooi om n nust te vienden. 

 Schroale kleuren van meert bennen nou vot. t Laand wordt weer groen noa aal die natte.

Veul minsen oordelen over t weer noar wat t oog zigt, mor de huud voelt wat veur wiend der waait. Vandoag as de wiend heur even niet gelden liet, was et prachteg om ien t laand te lopen. 

Op t mestlaand hemmen de grutto's et noar de zin. En sums vienden je meer dan eier alleneg. Zo het t altied al west. As kiend struunde je deur t laand en zaggen zo veul aandre dingen.

Slootje springen wordt aalsmor meer n opgoave, vandoar dit gedicht. 

 

Gedicht Swetsloot uut de bundel Opdreugde troanen (Philip Elchers 2013 Grunnen)

 Tot slot, de tureluur. 

De tureluur met zien mooie bruunrood gevlekte eier is der ok weer.

Ien e leite van n kiewietsnust, gedijen eier goed.

Foto´s (c) Willem Tjebbe Oostenbrink. Zuudhörn, veujoar 2015.