Optreden Haarlemse Dichtlijn 30 mei

In Haarlem is op 30 mei Hemelvaartsdag de Haarlemse Dichtlijn. Met zo'n 100 dichters zal ik daar ook optreden op locaties in de binnenstad van 13-17.00 uur.

k Zel nog bedenken of dit ien t Grunnegs en ien t Nederlaands ken of dat et n combinoatsie wordt. Woarom is et traauwens gien Haarlemmer Dichtlijn is, vroeg k me òf. Krekt zo as Hoarlemmer eulie?

Eerste ronde: 13.15 uur 

Historische Vereniging Haerlem 

de Hoofdwacht aan de Grote Markt 17

Dichters: Are Meijer, Marjon van der Vegt, Johan Meesters, Willem Tjebbe Oostenbrink, Van Houten, Stanislaus Jaworski, Simone de Maat, Sabine van den Berg

Derde ronde:  15.35 uur

Hof20 - Begijnhof:

Dichters: Annemarie Kuster, Shiwa, Peter Straus, Ricardo Steij, Martijn Jurriaans, Johan Meesters, Iris Besseling, Wietse Hummel, Willem Tjebbe Oostenbrink,

                               * * *

Naast de Haarlemmer olie kennen ze dus de Haarlemse Dichtlijn. Tegenwoordig is het gangbaar om alles met suffix/uitgang -se te doen. De Welsumer kip uit het plaatsje Welsum heeft sinds een paar jaar een streekproduct Welsumse appelsap. Wat is er mis van -er? Hier zit de spellingsdenkers en spellling-misvormers van Wordspelling achter. In een krant las ik ooit Leeuwardense nog wat. Het kan gek gaan, met taal. De onwetenden en onnozelen kunnen heel wat in gang zetten, zonder dat ze er weet van hebben.

Wie weet liggen hier ingrediënten voor een gedicht, hoewel het recept niet eenduidig is.Enfin, het belooft een mooie dag te worden daar in het Haarlemse.

Nij leven

11 mei en t ies leit vanmörgen op t dak van de  garage. t Het weer vroren vannacht. Rond 7 uur stond t kwik aal weer rond de vijf groaden. 

Kiek ok mor noar t filmke: Kiewietsnust met eier en pas uutkommen piekjes.


Van dit kiewietnust stonden d'eier guster op uutkommen. Een piekje het et al veurnkander, de tweede is onderweegs. D'eier hemmen n bietje n apadde tekeneng. Gien zwadde stippen, mor brunege vlekken. Je zollen ze zo veurbij lopen, te meer as je programmeerd bennen op eier met zwadde stippen en vlekken. Nusten met jongen bennen stoerder te vienden as nusten met eier. Sums as je even stilstoan, ken je piepen heuren.
Jongen geven niet om e butenkaant van de dop, as t tied is. t Gijt heur derom dat ze noar buten krupen. Nog n halve dag of n poar uur meer en dan ze goan de wereld verkennen.

Wilde venkel

Zo loop ik over de rötsachtege grond tussen olle muren en ruines van kastelen. Op dit uutgestrekt plateau hemmen verscheidene volkern toeholden. Iwenlang hemmen minsen hier woond. En bennen weer goan.

 

Wat kleine struken en hierndoar stangen van olle planten van veureg joar. Mor ok kleine pollen met jong blad, zacht-groeneg. Venkel ien t wild, op Mallorca.

 

Der bennen altied vogels die trekken noar plakken woar minsen bennen. Vogelvlucht ien e luchthoaven.

Veujoar - vroeg en te loat

Kiek doar is er dan. Noa n lange tocht, duzenden kilometers. Terug op t olle stek, allenneg. 

t Wachten is op aander swaalfkes. Dizze kwam bij Gruupskerk aan op vijf april.

.

Dan nog een vroege vogel, of beder ei. De scholekster het al n vol nust op 12 april.

Aalmoal vroeg. En wat is dan zo te loat?
Op verscheidene plakken he'k zo weineg kiewieten heurd, doar wer k stil van. Ik ken der niet bij, dat over 3-4 joar kiewieten, gruttoos en vlinders votbennen. De leste weken moalt de science fiction film Soylent Green mij deur de kop. n Groot deel van e bevolkeng is arm en eet allenneg soylent, moakt ien febrieken van 'Soylent Incorporated'. Soylent bestijt ien de vörmen rood, geel en - t zeldzoame en kwalitatief t beste - groen. t Het gien smoak en t is zunder geur. t Slim voedzoame goedje wordt verkocht as kleine wafels. Dan ontdekt de hoofdpersoon de toedracht en t geheim achter Soylent. Wat is alles nog weerd as je dat wieten? (k Zel niet te veul ienformoatsie over t enne van de flim weergeven.)

Recensie over Zolt en Stof ien t Frysk

Der stijt n recensie over de bundel Zolt en Stof op Ensafh, de Vriese webstek veur literatuur en poëzie. En met veurdrachten van Westerkertierder gedichten ien t Vries deur Geart Tigchelaar.

Luuster mor even noar zien veurdracht en wat er te melden het over de bundel: Recensie op Ensafh.

Geart Tigchelaar an t woord

Myn petsje ôf. Guod dien! 
Mien petje òf, hij dut t mooi. Goed doan, zol k zeggen.

Tredende kiewieten

Op dizze fotoos twee tredende kiewieten. De doffer tredt t duufke. De prachtege foto's bennen van Rob Tjalkens.

Tredende kiewieten; foto: Rob Tjalkens

k Was n joar of twinteg toen k van mien studiestad noar huus toe lifte. t Was veujoar en hartstikke mooi weer, dat ik wol noar huus. k Mos zo gauw meugelek t laand ien. Allenneg dan mossen automobilisten mij wel n lift geven. Uuteindelieks, doar kreeg k de leste lift van Stad noar huus. t Was n Fries en hij har ok verstaand van eierzoeken. 
Zo vertelde hij me wat over gedrag van kiewieten. Bij treden van t wiefke deur t mantje, ken je zien of ze eier hemmen of niet. As de doffer t duufke tredt en hij vlugt vot, dan hemmen ze gien eier. Blift t mantje noa t treden vlakbij t wiefke zitten, dan hemmen ze eier.

De doffer tredt t duufke; foto: Rob Tjalkens

k Zag n keer kiewieten op hartstikke nat laand. t Har die nacht slim regend. De doffer vloog roepend deur de lucht. Doar dook er del en ging zitten vlak bij t wiefke. Hij treedde t duufke en bleef zitten. Ik kon naauwelieks loven dat ien die natte n ei lag. Met stevels liep ik deur de plassen met wotter. Uuteindelieks von ik t nustje met één ei ien n kuultje half vol wotter. Toch n ei!

Fopnusten en volle nusten

Kiewieten bennen aal weer drok doende. Ien meert begon t aal weer met nusten baauwen. Agroarische Noatuur Verenigengen bennen ok drok ien e weer. 

Ien n cursus wiedevogelbeschermeng vertelden begeleiders over "schijnnesten" die de kiewiet moakt.Wel het heur dat woord nou bijbrocht, vroeg k mij òf? Schient et n nust te wezen en is et gien nust omdat der gien ei ien leit? Wonderlek, dizze benoameng. Hemmen we et over n werkelekheid die niet echt is? Die heur aan ons oog onttrekt? Is dit een digitoale werkelekheid?

Het woord veur zuks n nust is fopnust. Tuurlek ken-je je ok over 'fopnust' verwondern. Mor t is wel n nust, allenneg leeg. Woarom dan leren cursisten een nij woord, dat niks toevoegt?

We hemmen nog meer woorden ien t nije leerboek: kieviten paren. Et liekt dezulfde stijl en toonzetteng as Hiv-aids uutleggen an de hand van bloemen en bijtjes ien e joaren tachtig. Doar ging ien t veurlichtengsfilmke n bij dood, omdat et noar verscheidene bloemen vloog. Nee, beste minsen, bijen ien e noatuur moeten juust noar verscheidene bloemen om ze te bevruchten. Zucht. Zo is de veurlichteng over noatuur tegenwoordig.
"Treden" is t woord. Vogels treden. t Mantje van de kiewiet - de doffer - tredt t wiefke.

Zo komt t nust toch n keer vol.