Optreden ien Liwarden / Ljouwert

Vrijdagoavend 27 januoari is der n Fryske poëzieoavend ien Liwarden,
oftewel ien geef Vries: Grutte Gedichtejûn Frysk Literêr Tydskrift Ensafh

Grunneger poëzie uut t Westerkertier kennen ze ok bruken en dus goa k doar ok henne/hin.

Lokoatsie: De Neushoorn
Ruterskertier 41
Liwarden

Meer ienformoatsie op:  Gedichtejûn 

Optreden bij Godert Walter boekhandel ien Stad 26 januoari 2017

Aander week is Gedichtenweek. Bij boekhandel Godert Walter is der dunderdagoavend 26 januoari van 19.00-19.45 uur Grunneger poëzie met de dichters Jan Siebo Uffen, Aly Freije en ondergetekende, met muziek van Krödde.

Lokoatsie boekhandel:
Oude Ebbingestraat 53
Stad

Plannen ien t nije joar

t Is aal an e loate kaant, mor elkeneen veul heil en zegen ien t nije joar. 

t Was n widde wereld guster, mor snij bleef niet aal te laang leggen.
Vroeger stonden der aandre reigers te blaauwbekken, nou is der aal voaker de zulverreiger. Ok al is de vogel wat min te zien, hij stijt ien e onderwal krekt boven t wotter tussen de plakken met snij.

Zulverreiger an t Hoendiep bij Eemtil.

Schoapen an e Zuderweg bij Zuudhörn.

Schoapen groazen as zwart op wit ien t groen. 

Om toch n goed veurnemmen te hemmen... dit joar zel der n nije bundel met gedichten van mij uutkommen, as et aalmoal goed belukken wil.
Nou nog n titel.

Oldjoarsdag

t Lopt tegen t enne van t joar. 
t Is krekt twee joar leden dat mien moeke overleden is, ze is uut de tied kommen op de 31ste december 2014.

Ter noagedachtenis dit gedicht.

Gedicht ien t Bulgoars

Joaren leden kwam ik veur t waark geregeld ien Bulgarije. t Is n mooi laand met grote riekdom an flora en fauna, bergen, rivieren, heuvellaand. k Heb veul minsen trovven, die actief warren bij organisoatsies veur noatuurbeschermeng en milieu.De eerste keer da´k der kwam was ien mei 1997. Sofia, de hoofdstad met de kestanjebomen ston ien bloei.

Ien 2014 was k der veur n poar doagen. t Was de aanleideng veur n gedicht genoamd Sofia. Dit noajoar is t gedicht Sofia publiceerd ien t Bulgoarse blad "No Poezia" (Mor Poëzie). Hieronder de link veur alle lezers van Bulgoars noar de webstek van НО ПОЕЗИЯ en de tekst van t gedicht hieronder.
Met daank aan Plamen Peev en Petja Heinrich veur t omzetten van e Engelse tekst noar t Bulgoars. 

ENGLISH

The first time I visited Bulgaria was May 1997. After that I visited Bulgaria a lot of times and met many people dedicated to nature protection and the environmental
In 2014 I visited Sofia after many years again. It was the beginning of the poem Sofia. This month the poem was published in the magazine НО ПОЕЗИЯ (But Poetry). For all Bulgarian readers, please find the poem below.

Acknowledgements: I want to thank Plamen Peev and
Petja Heinrich ()

for the translation of the text from English into Bulgarian.

Twee gedichten op Meander - Gronings- en Nederlandstalig

Meandermagazine heeft twee gedichten in het Westerkwartiers en in het Nederlands op hun website geplaatst: Teken aan de Wand en Golven nemen geen afscheid.

Meandermagazine het twee gedichten ien t Westerkertiers en  ien t Nederlaands op heur webstek ploatst: Teken an de Waand en Golven nemmen gien òfscheid.

Om de gedichten te lezen, kiek mor even hier Meandermagazine.

Verhoal over de Koaterhaals

Dit noajoar is ien t nijsblad van de Agroarisch Noatuurverenegeng De Eendracht n nij artikel verschenen onder "Gedicht met koart en verhoal" uut de gedichtenrieg Wotterpoëzie. t Gedicht blift achterwege; t verhoal over de wotterloop De Koaterhaals stijt hieronder.

Het moekedörp van Nijziel was oeit Nijkerk en de dörpen hietten toen Nijkerk-Boven en Nijkerk-Beneden, gliek Gruupskerk oiet de noam Seballeburen-Beneden droeg soamen met moekedörp Seballeburen-Boven. Noast t Hoendiep was de Koaterhaals de navvelstreng die beide dörpen ien vroeger iwen direkst verbond.

Ien e Noordhörnner Goa ston et daklozenhuus veur minsen die gien geld harren en ien grode armoe leefden. Tiedens de oorlog wer der ien e contreien vannijs törf wonnen, vanwege gebrek an braandstof. Noa de oorlog wer t onlaand met goaten en wotter niemandslaand bij de Koaterhaals. Olde goaten groeiden grotendeels dicht. Met verscheidende stukken grond zunder eigenoar zag et volk ien e omgeveng de gemeente as rechtmoatege eigenoar. Zo wer de gemeente Zuudhörn verplicht n verharde weg an t leggen ien e Noordhörnner Goa. De wildernis van niemandslaand bij Koaterhaals wer loater nije noatuur.

D'olle gemeente Oldekerk besloot ien e joaren negenteg om olle polders veurtbestoan te loaten ien noamen van stroaten zo ok met Matsloot en Ykesloot. Zo geven vandoag de dag d'ienwoners an de Koaterhaals de noam met regelmoat nog deur.