Koehoorns

Vandoag de dag pakken we koeien niet voak meer bij de hoorns. Nou bennen hoorns en hoornentaauwen òfnommen, mor der bennen ok aander redenen veur.

Zulfbehold beveurbeld, want om van koeien met zukse hoorns n peuter te kriegen, dat zel dij lang heugen. Mor ok: Tegenwoordeg valt bij de koeiekoppen weineg om noar te griepen. Mor der bennen uutzunderengen.

Lest zag k nog n poar koeien met hoorns, van t olle Fries-Hollandse ras. Ien 40 joar tied hemmen boeren heur koeien van t Fries-Hollandse FH-ras met ronde vlekken, handeg van stuk en met hoorns host aalmoal vervongen deur Holstein-Frisian (HF) koeien, n ras dat n handlengte hoger is, met grilleger vlekken en zunder hoorns - en veural meer melk. Nou hemmen HF-koeien op zich wel hoorns, mor kaalver kriegen n spultje op e kop smeerd zodat der gien hoornontwikkeleng komt. Ien e joaren negenteg ging et met de gehoornde veestoapel bergòfwoarts. Zo lopen der nou allenneg grode beesten ien t laand met n roare tuuf boven op e kop.

Dit verhoal schetst zo de verandereng van e veestoapel ien vieftieg joar tied. Is t de teloorgang van t Fries-Hollands ras? Of is het de succesvolle ientegroatsie van Holstein-Frisians ien onze koeiemoatschappij? Of is et assimiloatsie? Ien elk geval hemmen de nijelengen uut Amerikoa heur met kruzen goed aanpast en der ienwaarkt. t Olle FH-ras is verdrongen en allenneg hierndoar nog te vienden. Uut zukse ontwikkelengen en gebeurtenissen bennen altied verscheidene lessen te trekken - doarmet hold je wat proat en blift et spannend.

Verleden week nammen dizze zwartbonte FH-dieren me even met terug ien e tied noar de koeien op e lange rieg ien d'olle stal of an e melkwoagen, met ketjes om e hoorns of n hoorntaauw. k Was der stil van.

Schoapen ien Drenthe

Zoveul schoapen - Schoonebekers ien Drenthe. t Is n kommen en goan.

De hedder ien e midden van e koppel. Misschien het et vroeger ok west. Of beleven we dit veur t eerst, regiseren we zo ons geheugen en verleden?

Zwarten, witten, brunen, bonten. t Geft verscheidene patronen.

Even rondkieken. Woar is der n uutweg? Ah, bèh, doar is n deurgang.

Tenslotte nog even n roadsel, da'k vroeger leerd heb van n old Drents femilielid: Hoe is t volkslied van Drenthe?
Bèè-èh.

Bijna alle swaalfkes hemmen de reis aannommen

t Was aal ver hìn ien September. Veul swaalfkes hemmen op e 18de september de reis annommen.
Mor dat gold niet veur alle vogeltjes. Der warren nog n poar achter ien e schuur.

 

Nog even ien òfwachteng. 

n Poar jongen hemmen t niet red. Verleden week nog hoopvol. Nou veurgoed ien t nust achterbleven.

Optreden Boom aan Z - 29 september Zuudhörn

Zotterdagoavend 29 september n optreden op de kulturele slötmanifestoatsie van Boom aan Z.

Soamen met muziekverenigeng Julianakörps uut Ollehoof. Muziek met poëzie. Veurbereidengen bennen ien volle gang.

Woar moet dat hín?

Dat vroeg ik me aal òf toen k dizze vogeltjes zag. Juli en Augustus aallang veurbij, warmte is ienkrompen tot n poar uren midden op e dag. En dan bennen doar nog twee lutje swaalfkes op e raand van t nust.

Vroag is misschien eerder: Woar kennen ze henne? D'olle swaalfkes begunnen over n poar week te trekken noar t zuden. En doar zitten de jongen ien t nust te wachten, zo jong en nog gien enkele vliegervoareng. Ze hemmen gien wiet van de grode reis, allenneg dat olden ien e tussentieds misschien wat ongedureger worden. Wat is der aalmoal meugelek ien e wereld van swaalfkes?

 

Bessen verschillen

t Is oogsttied. Groan is dörst. Eerste eerappelsabbels en bieten bennen der aal weer uut. An bomen en struken hangen riepe vruchten. Eerste kestanjes bennen aal weer vallen. Vogels kommen aal meer lös. Hoageldoorn en vledder hangen zwoar. Dikke koppels sprutters klappen del ien boomtoppen en duken as gekken op de bessen.

Et lieken dikke bessen dit joar. Kennelek hemmen hoageldoorns gien last van dreugte had. En elke struuk het zien bessen ien vörm en moat. Mor aalmoal diep rood.

Optreden op Noorderzon 2 september

Zundag 2 september is der n optreden 

met slagwaarkgroep Procussion Westerkwartier 

met poëzie ien t Westerkertiers van Willem Tjebbe Oostenbrink

Lokoatsie: Festival Noorderzon Podium Zuud

Tied: 16.30-17.00 uur.

 

Slagwerkgroep Procussion Westerkwartier 

met dichter Willem Tjebbe Oostenbrink

op Noorderzondag 2 september 2018

Op zondag 2 september a.s. staat  slagwerkgroep Procussion Westerkwartier met dichter Willem Tjebbe Oostenbrink met hun programma 'Shape of my heartbeat'  op Podium Zuid van het festival Noorderzon. Op deze Noorderzondag produceert en programmeert kunstencentrum VRIJDAG op dit podium een muzikaal programma, waarvoor slagwerkgroep Procussion met dichter Oostenbrink speciaal zijn uitgenodigd namens muziekschool Kunstbedrijven Westerkwartier, om het muzikaal poëtisch kloppend hart van het Westerkwartier te vertegenwoordigen.

In deze presentatie wisselen enkele gedichten van Oostenbrink, waaronder een aantal op muziek gezet door Roelf Postma, zich af met een aantal songs van de zanger Sting, gearrangeerd voor slagwerkensemble met accordeon, gitaar & basgitaar.

Festival Noorderzon, locatie Podium Zuid

2 september van 16.30-17.00 uur