vrijdag 18 mei 2018

Groen tegen Blaauw

t Is niet voak dat we zuks veujoarsweer hemmen as van t joar. Zo warm, en ok zuks fel licht met dat groen tegen t blaauw.

k Heb me vertellen loaten dat de doagen met de meeste zun-uren ien t veujoar bennen, zo rond meert of februoari. Noatuurlek bennen de doagen van juli en augustus veul warmer, mor dat wil nog niet zeggen dat we op die doagen ok meer zun hemmen.

k Heb me verboasd over de planten en bomen zoas die uutbotten, ien sneltempo ien bloei kommen en zo mor weer uutbloeid bennen. Ok dat is zo aans as ik wend ben. 
 
Zuks groen van d'es heb ik niet voak zien. Blaauwer zel et dit joar niet worden, dunkt me.