Vogels ien t verkeer

t Is wat met dizze gaanzen. Ze hemmen ien Stad de halve wiek iennommen. Verkeersregels kennen ze nog niet zo goed.

 Dat sums moeten minsen mor even wachten.

Roanum

 Krekt boven Winsum leit de wierde Roanum.

t Ken wezen dat de grode herenboerderij op Roanum veur veul minsen t middelpunt is. Mij boeit dizze olle boereploats moateloos. De bouwstijl liekt wat op kop-hals-romp boerderij. Allenneg is de hals hier zowat lieke hoog as de kop. Of zollen ze de kop der loater tegenaan bouwd hemmen?

Aan e westkaant van e schuur wordt muur stut deur wel zes steunberen. Doarmet ken schuur et nog wat langer uitzingen.