Zo goed en zo kwoad as t gijt

Òflopen meimoand het t onderstoand gedicht ien e Grunneger Kerkbode stoan.

Festival NuisjeBoompjeBeestje ien Nuus - 4 juli

Zotterdag 4 juli is der veur t eerst t festival Nuisjeboompjebeestje 
met n vertoalslag noar Grunnegs meugelk - NuuskeBoomkeBeestje. 

Veul artiesten met muziek, theoater en zuks wat meer. 
t Wordt mooi weer, vast. 

Ien t Rieuw he'k smirregs n optreden met verscheidene muzikanten, dichters en verhoalenvertellers.

20 juni Òfscheidsfestival Café Restaurant de Tapperij

20 juni optreden is der t Ofscheidsfestival ien de Tapperij te Gruupskerk.

Ze holden der niet met op, mor der zel verbaauwd worden. Old moakt ploats veur nij.

Van Hengstenholderij, dekstation noar La Danza. Tussendeur ien e joaren zeuventeg nog ienzoamelplak west veur schoapewol. Boeren brochten de wol noar Kuper. Op n waarme zummerdag hongen grode jutezakken an e zolder ien e schuur. Jonges ien blode bast stonden boven ien e zakken om de schoapenvluzen goed aan te stampen. 
 

Dat wordt vierd met n levendeg en mooi pregrammoa.
Tussen 16.00 - 18.00 uur veurdrachten van gedichten deur o.a. Are Meijer en Willem Tjebbe Oostenbrink.

De uutkomst

t Zel weer veujoar worden. En doarnoa?
As t ei leit is, dan wordt der goed lang op brud. 
n Piek zit 21 doagen te wachten tot der leven is. n Eend dut der 28 doagen over.

Wichtje met eendepiel, krekt uut t ei. Foto: Willem Tjebbe Oostenbrink

En dan, dan kommen eier uut. 
En as eier uutkommen, is t even as of de wereld veranderd is. 

Tekst en uutleg:
Hörn      hoek
Piek:     volwassen kip, hen.
Gel:       onvruchtbaar
Brud:     broedsel
Piekje:  kuiken van kip
Piel:      kuiken van eend, gans (watervogel). Natuurorganisaties gebruiken het woord 'pul'.

Veujoar

Veujoar komt, mor met noorderwiend en oostewiend gijt t almoal niet zo hard.

Vroeger veul eier zocht. Zo nou en dan goa k nou nog wel t laand ien veur de weidevogelzörg. 

t Blift mooi om n nust te vienden. 

 Schroale kleuren van meert bennen nou vot. t Laand wordt weer groen noa aal die natte.

Veul minsen oordelen over t weer noar wat t oog zigt, mor de huud voelt wat veur wiend der waait. Vandoag as de wiend heur even niet gelden liet, was et prachteg om ien t laand te lopen. 

Op t mestlaand hemmen de grutto's et noar de zin. En sums vienden je meer dan eier alleneg. Zo het t altied al west. As kiend struunde je deur t laand en zaggen zo veul aandre dingen.

Slootje springen wordt aalsmor meer n opgoave, vandoar dit gedicht. 

 

Gedicht Swetsloot uut de bundel Opdreugde troanen (Philip Elchers 2013 Grunnen)

 Tot slot, de tureluur. 

De tureluur met zien mooie bruunrood gevlekte eier is der ok weer.

Ien e leite van n kiewietsnust, gedijen eier goed.

Foto´s (c) Willem Tjebbe Oostenbrink. Zuudhörn, veujoar 2015.

Liefde

hoe het et zo ver kommen kend?

We wisselden blikken uut en vongen op

wat ien woorden niet te vatten was, wisten we al.

Ien e roes van n zendernde zummer ondergingen we

t verlangen ien ons, te groot veur luchthoavens en stations.

....

Bovenstoande zinnen kommen uut t gedicht Hoe het et zo ver kommen kend?
Et stijt ien e nije bundel met Grunneger gedichten over de liefde.  

Vandoag 21 meert, op e Dag van de Grunneger Toal is der n nije bundel uutkommen met Grunneger liefdesgedichten (ien t Hogelandster Grunnegs Laifdesgedichten).

Van de 90 gedichten bennen der twee, volstrekt nije gedichten van mij, ien opnommen.

Tekst van het gedicht ´Over laand en licht´

Hierbij nog even de tekst van het gedicht en de lokatie - globaal aangegeven op de kaart van de plakette aan de Caspar Roblesdijk ten noorden van Grootegast.
Onder de foto hieronder een verklaring van de 'stoere Grunneger woorden'. 

Over laand en licht

Ien Duusterburen of op Buukstede,

et doen en loaten van n mins is as met

greppels omsloten en riggels bepoald;

zien denken reikt vedder as n geit an tuur.

n Mins mag op t Westerzaand of

an de Wieren woddeld wezen gliek

n olle ekkelboom ien zien geboortegrond,

hij ken boven humzulf uutstiegen.

Lös van zaand, veen, knip en leem, langs

de Grodegastmer tocht en ien e Mieden

wordt laand dat je gunnen licht

as ien de ogen van n aander.

Ruilen van grond stroalt ien dat licht

bezien òf op de streek gliek geven en

nemmen ien de Bombay, ien de Peebos

en op Dörp n minsenleven rieker moakt.

Willem Tjebbe Oostenbrink

Verkloareng van Grunneger woorden

• 'riggels': afrastering met prikkeldraad of gaas; 'riggelpoalen' zijn (houten) afrasteringspalen. 
• 'geit an tuur': is gelijk aan 'geit an t spit' - een geit (koe of paard) aan een tuier(touw). Turen, anturen - tuieren, aantuieren. Het vastmaken van een geit met een touw aan een ring met een pen (spit) in de grond. Onlangs kwam ik het woord 'tuieren' nog tegen in het boek 'Onvoltooide liefdesbrieven' van de Russische schrijver Michail Sjisjkin.
• 'woddeld': geworteld.  
• 'knip': grondsoort - klei met veenlaag.

De plakette is prachteg uutvoerd en moakt deur Repko te Sneek.

Verdere informoatsie stijt ok bij de pervincie Grunnengen.