n Veer van n katuul. Oftewel, n kerkuul.
n Pooske terug vond ik die ien t gras op groenlaand met knipgrond, t was n oavend ien augustus. Dat deed me denken an de dooie uul die k as schoeljongen soamen met n poar vrienden von. We hemmen verscheidene veren uuttrokken en bewoard.
t Kreng hemmen we begroaven en noa n moand of wat weer opgroaven. De schedel van e uul he'k schoonmoakt en lange tied bewoard.
Dizze uul hierboven is nog goed levendeg. t Ploatje kreeg k niet schaarper. Dizze har t wel aan tied en keek even strak omdel as ik omhoog tuurde.
Op de stienen lagen huul d'uuleballen. Pakjes botten, veren en vellen van vogels en muzen.
Geen opmerkingen:
Een reactie posten