Behulpzoamheid ien Ost-Frieslaand

 Dit von k bizundere foto. En nog bizunderder is de spreuk: "Wi weten waar Du wohnst." 

Zoveul behulpzoamheid as der vanuut gijt ien Ost-Friesland. 

Wij wieten woar doe woonst! Ien ons laand schriwt de ontvanger van zuks n spreuk moord en braand. Mien leven is ien t geding, zel hij of zij denken. De uutsproak betekent: Bedreigeng en onveilegheid ien ons laand. Ik krab mezulf nog ns achter oren. 

t Ken verkeren, zee Bredero.  

 

Kiek in de Pann - Kiek ien de pot

Dizze week nam k ien Duutslaand n òfslag eerder op A31. k Was ien e buurt van Coevorden. Doar ree k deur t Duutse dörp Twist vlak an e grins.

Kiek in de Pann is n mooie noam veur n restauraant. Kiek in de Pann

Kiek ns aan, docht ik. Der is aargenswoar ok n Kiek ien de pot. Dat stijt op n bret ien t laand stief bij Eemtil/IJmtil. Veur de oardegheid zet ik t der even onder.

 

Kiek ien de pot is de noam van n boerenploats, die viefteg joar leden òfbroken is. (Veur meer ienfo doarover, kiek noar bericht Kiek ien de pot - jan.2018.)