Zo warren we n poar doagen ien contreien van Bremerhoaven en hogerop: Olenbrook - Altenbruch.
Hier worden veul zoaken aans schreven. Bremerhaven is de duutse schriefwieze. Dizze hoaven wordt niet met n 'f' schreven; dus gien hoogduuts, eiglieks, krekt as Cuxhoaven.
En ok hier hem ze spreekwoorden die ons bekend veurkommen: Ob Ost ob West to Hus am Best.
Veuraankondigeng: Der is n nij boek op komst. Over t Swaalfke.
Bisschop Radbouds meer dan duizend jaar oude gedicht De Hirundine (Van de zwaluw) is vertaald/hertaald uit het Latijn in het Nederlands, Duits en acht Nedersaksische varianten weerszijden de landsgrens. Jongeren staken het in een modern jasje met een lied hierbij op YouTube. Poëzie, kunst, natuur en cultuur vloeien samen in deze uitgave, die uitblinkt in vorm en eeuwen en continenten omvattend beeldmateriaal bevat.
Meer nijs is te vienden op: Stichting Portfolio - Swaalfke-projekt
Voordeel kosteloze toezending voor wie voor 1april 2023 het boek bestelt Van de zwaluw, in het formaat 28 x 17 cm, wordt rijk geïllustreerd en zal ongeveer 140 pagina’s tellen. De prijs in de
boekhandel bedraagt na verschijning waarschijnlijk € 27,50. Wie het voor 1 april besteld bij uitgever Stichting Portfolio krijgt korting en in de vorm van gratis toezending per post.
Bestellen kan eenvoudig via e-mail: stichtingportfolio@gmail.com
Meer nijs via: Stichting Portfolio - Swaalfke-projekt
Dizze week nam k ien Duutslaand n òfslag eerder op A31. k Was ien e buurt van Coevorden. Doar ree k deur t Duutse dörp Twist vlak an e grins.
Kiek in de Pann is n mooie noam veur n restauraant. Kiek in de Pann
Kiek ien de pot is de noam van n boerenploats, die viefteg joar leden òfbroken is. (Veur meer ienfo doarover, kiek noar bericht Kiek ien de pot - jan.2018.)
De Stellingwarver Schrieversronte het wat te vieren: Ze bestoan dit joar al 50 joar. Dat is n hule prestoatsie. Doarom hemmen ze docht n festival te organiseren.
Smirregs om 14.30 uur he'k optreden ien Openluchttheoater de Koele. Ien t Stellingwarfs: Eupenlochttheater de Koele.
Met meziek van Karst Berkenbosch.
De Stellingwarven Oost-Stellingswarf en West-Stellingwarf bennen van oorsprong de twee gemeenten ien Fryslân woar Nedersaksisch sproken wordt. Lös van n poar aandere dörpen in Fryslân, liek Warfstermeulen ien gemeente Kollumerlaand doar ok Westerkertiers (dus Nedersaksisch) sproken wordt en gien Vries.
t Is t laand doar ok mien gedicht De Fochtel bij Fochteloërveen stijt. Mooi om doar n keer optreden te maggen.
Komt kieken en luustern op 25 juni in Appelsche - Nederlaands Appelscha.
Der bestijt n huul old gedicht ien Nederlaand, schreven deur bisschop Radboud die leefde rond t joar 900. t Gedicht Hirundine is schreven ien t Letien.
Ien t Twents leest dat zo:
Projektgroep Umzettrajekt De Hirundine
t Umzetprojekt De Hirundine hef ne stie an n heerd veundn biej de Stichting Portfolio, woar’t ok et book biej oetkump. De organisatie is in haande van zes leu: Sander Grootendorst, Arend Heideman, Gerrit Klaassen, Jaap Nijstad, Willem Tjebbe Oostenbrink en Sebastiaan Roes. De projektgroep begeleidt et umzetn en döt vuurbereiding en oetvoering van wat der zooal te gebuurn steet biej dit umzetprojekt.
Meer nijs: Vertoalprojekt De Hirundine
Dit stukje gijt over Nedersaksisch en plattduuts.
Ien t Humbold-museum ien Berlien zag n huul mooie koart over uutsproak van t woord "schoap", of beder de schriefwieze van de uutsproak.
De Duutse sproak-wetenschapper Georg Wenker (1852-1911) deed, as een van de eersten, ien de 19de iw al onderzoek noar dialekten. Hij onderzocht veural de contreien woar plattduuts sproken wer.
Op dizze koart ken je zien dat der n schaarbe grins was bij Danzig. Dit is de Duutse noam van e stad; de Poolse noam is Gdańsk. Ik beperk me hier tot vermeldeng van noamen en uut welke toal die kommen. Doar met he'k bewust gien uutsproak doan of de stad pools, duuts, Hanze of vrij-stad is. Dat is een iengewikkelder kwestie.
Wat ok ienteressant is, dat dizze Georg Wenker ien die tied al de 'oa' bruukte veur de klank die ok deur Grunnegers bruukt wordt.
Ien Denemarken hemmen ze lange tied dubbel 'aa' bruukt, beveurbeld bij 'Aarhus', de grootste stad ien Jutland. An t enne van joaren negenteg veurege iw hemmen ze dat aanpast. Nou is t Århus, met n rondje boven de 'A'. Ze spreken Århus uut zo ongeveer as de Drentse 'ao'. Zo hemmen je n konventsie die hiet ok ien t Engels de "Aarhus-convention" (Dat gijt over t recht op ienformoatsie, participoatsie en rechtsbijstand aangoande milieuzoaken).
Ien Duutslaand bruken ze ok de dubbele 'aa'. Doar met doelen ze op de klank gliek an de Grunneger oa-klank. Dizze kommen je tegen ien Oost-Vrieslaand (Ost-Freesland).
Zotterdagoavend mocht k de 25ste Borslapries ien ontvangst nemmen. Zo was ik op vizide ien Bösel ien Landeskreis van Cloppenburg niet al te ver òf van e stad Oldenburg.
Doar heurt ok n oorkonde bij. k Heb gedichten veurdroagen ien t Westerkertiers. n Bietje promotie van e gemeente Westerkertier ken gien kwoad, docht ik zo.
t Is bizunder om zo met allerhaande minsen uut contreien as Ost-Frieslaand, Emsland en Oost-Foalen nedersaksisch te proaten.
Carl-Heinz Dirks, plattduuts schriever ien t Ostfries, deskundeg man op terreinen van veel streektoalen en 'Nachdichter' (tolk, vertoaler) het verscheidene gedichten omzet noar t Ostfreesk. Teksten bennen prachteg!
Eerder he'k schreven over t eilaand van schelpen. Der zitten veul kluten te broeden. Leste weken is et der nog drokker worden. Op t eilaand zitten ok visdiefkes en kleine plevieren te broeden.
Visdiefkes hemmen t eilaand ontdekt!
 |
| Picture from Detillybert - Pixabay. |
Dat is t. En toch bennen eier makkelek op t hoofd te zien.
Dizze moand is Meertmoand Streektoalmoand. Verscheidene organisoatsies besteden aandacht an de streektoal. Ok ien Provincioale Stoaten is der oog en oor veur de streektoalmoand. Guster was de Stoatenvergoadereng.
Der was n kort optreden van CGTC met Henk Scholte en Harry Niehof.
En doarnoa moedegde kommisoaris van de keuneng Paas de leden van de Provincioale Stoaten aan om heur toesproaken ien t Grunnegs t holden.
As bliek van waardereng veur dizze leden deelde er n aantal exemploaren van de dichtbundel Zolt en Stof uut. Zo was t even Sunterkloas ien meert.
Veur meer: Vergaodereng Provincioale Stoaten 10 meert rond minuut 28.
Bij winterweer - wel denkt doar nog an, 10 doagen leden harren we snij en ies - worden vogels altied makker. Sums liekt et veur even, mor ik vroag me wel ns òf, of et niet veur veul langere tied is. Leste joaren bennen oalscholvers an t Hoendiep rusteg van dichtbij te zien, zunder dat ze votvliegen.
De winter geft de vogels n zetje om an grinzen op te schuven.
Vogels vernemmen dat minselek gezelschap op 3-4 meter òfstaand ok veurdelen hemmen ken.
Zoveul vogels bij t wak as der zo nou en dan voerd wordt. Eenden, meerkoeten en wotterpiekjes.
t Is winter, onderhaand. Mor k mos even terugdenken an dizze òfbeeldeng van oktobermoand. t Vee nog ien t land. t Is oardeg schier weer. Twee hokkelengen bennen bij nkander.
t Witte hokkeleng leit, misschien wat aan t weerkaauwen. En d'aandere, donkere stijt der wat bij, nee niet te niksen. As je goed kieken, ken je et zien: de zwarte slikt de rug van de witte. Zol er wieten dat de witte doar juukte het? Hoe zol er doar dan achter kommen wezen? Of gijt et doar huulmoal niet om en wisseln ze heur beviendengen van de dag even uut. Hoe t ok zij, ze vernuvern heur best.
