Treffen - Vertoaldag Mitling-Mark Duutsland

 

Op 23 september trovvven Plattduutse en Nedersaksiese schrievers nkander ien t Duutse Mitling-Mark – tussen Leer en Poapenburg krekt aan de oostkaant van de Eems. Schrievers kwammen uut contreien van Grunnengen, Twente en Ostfriesland.

De platt-Duutse schrievers van de Schrieverskring Weser-Ems kwammen van Norden, Emden, Rheiderlaand en Overledingen woar t lut plakje Mitling-Mark leit. Op n koart konden deelnemmers uutstukken woar of dat ze opgruid warren en woar heur toalkennis hum ontwikkeld har.

t Was n mooie dag met ienleidengs van Carl-Heinz Dirks en Willem Tjebbe Oostenbrink over de geschiedenes, de ontwikkeleng van t plattduuts as toal van de Hanze, de ienvloed van de Lutherbiebel en zuks wat meer. Der warren mooie veurdrachten  en gesprekken over verbiendengen tussen de verscheidene varianten.

Buten scheen de haarfstzun mild, mor gesprekken vonden ploats ien waarmere sfeer. Gedichten en körte verhoalen bennen uutwisseld en besproken. Teksten zellen kommende moanden overzet worden van plattduuts noar n nedersaksiese variant en omgekeerd. Der bennen plannen om teksten ien n boek te publiseren.

 

De dag is organiseerd met financiële steun van het EDR-Interreg programma.

Gedichten ien t Ostfreesk / Oostfries

Klaus Groth zien olde huus stijt ien Heide (Sleeswiek). Ien Sleeswiek-Holstein stijt er bekend as dichter en schriever ien t platt-Duuts.

Der is ok n joarboek met zien noam. Ien t leste joarboek  2021 stoan n poar gedichten ien t Ostfreesk met n beschrieveng van Marianne Ehlers dat de titel het:

 Leste strofen van Du un ik:

Grünnen is redenen. 

Omzetteng van Westerkertiers noar t Oostfreesk deur Carl-Heinz Dirks uut Emden. 

 

Schier is t aal. 

"Over t Water" met Oostfreeske verhoalen en gedichten

Carl-Heinz Dirks uut Emden het n nij boek uutgeven: Over t Water - op zien Oostfreesk/Oost-Vries. t Oost-Vries liekt veul op Grunneger streektoal. De schriefwieze is hierndoar wat aans, mor teksten bennen goed te volgen. De titel van t boek "Over t Water" wordt op zien Oostfreesk uutsproken as t Grunnegers "Over t Woater".

t Boek bevat verhoalen en gedichten schreven ien of omtoald noar t Ostfreesk. As Gast-Autoren bennen der gedichten van n haandvol schrievers buten Ost-Freeslaand opnommen o.a. van t Grunnegerlaand: Henk Scholte en ondergetekende. 

Zo stromen gedichten uut de rieg Wotterpoëzie as De Gracht en De Riet Duutslaand deur. 

Hemmen joe belang bij t boek, dan ken-je kontakt opnemmen via emailadres: CarlHeinz.Dirks  AT gmail.com. Meer over de soamensteller van t boek is te lezen op zien webstek:  Carl-Heinz Dirks.

 

Oorkonde uut Bösel Duutslaand

 Zotterdagoavend mocht k de 25ste Borslapries ien ontvangst nemmen. Zo was ik op vizide ien Bösel ien Landeskreis van Cloppenburg niet al te ver òf van e stad Oldenburg.

Doar heurt ok n oorkonde bij. k Heb gedichten veurdroagen ien t Westerkertiers. n Bietje promotie van e gemeente Westerkertier ken gien kwoad, docht ik zo.

Ik mocht de pries ien ontvangst nemmen van dizze mevrouw van n bedrief van e lokoale middenstaand.

t Is bizunder om zo met allerhaande minsen uut contreien as Ost-Frieslaand, Emsland en Oost-Foalen nedersaksisch te proaten. 

Carl-Heinz Dirks, plattduuts schriever ien t Ostfries, deskundeg man op terreinen van veel streektoalen en 'Nachdichter' (tolk, vertoaler) het verscheidene gedichten omzet noar t Ostfreesk. Teksten bennen prachteg!