t Gebeurt niet elk mement van e dag en ok niet elke dag. Je moeten der tegenaan lopen. Of der langs lopen. Ereguster was der zo'n dag. n Kolde dag met zo nou en dan wat zun. Veur even stijt t landschap ien t licht.
Mor t wer aal weer donkerder. Lucht stoan noar regen. As t zo deur ging zol zun der veur vier uur aal met opholden. Licht werd òfknepen. n Graauwe nevel trok over t laand.
En toen was doar dat licht. As scheen de ster van Betlem over t Zuden.
Geen opmerkingen:
Een reactie posten