Leste joaren broeden vogels alsmor langer deur noa de langste dag. k Wiet niet of dat ze an heur darde of vierde leg begunnen. Meerkoeten, wotterpiekjes, merels, dat gijt en leit mor deur.
Ien Bourgondië von k merelnust ien n dikke heeg: 22 juli. Kom doar mor ns bij. Rozen, brommels, sleedoorn, hoageldoorn, zo nou en dan n es en n ekkelboom. En dan nog omgeven deur minshoge brannekkels. Hegen bennen 2-3 meter hoog mor veural dicht. Doar ken gien stiekeldroad tegenop.
Charolais koeien keken op òfstaand toe.
Geen opmerkingen:
Een reactie posten