Roeken vienden n nij plak

Ien Zuudhörn hemmen roeken n nij plak vonden.

n Roekekolonie ken veur dörpelengen n aanslag wezen op de nachtrust.  Dat begunt met krassen en krijzen ien feberwoarie e t holdt niet op veur half juni. 

k Wiet niet wel de roeken hierhin wezen het, mor t is mooi aan t kenoal. Verstandege beesten. Nou mor hopen dat ze hier genog plak hemmen. 

Met t wotter ien polderlaand wordt elke kubieke cm beheerd en reguleerd. Bij vogels, roofdieren, bever en marter moet opeens alles vanzulf goan. De illusie van spontoane noatuurontwikkeleng drift op polderpeil. 

Behulpzoamheid ien Ost-Frieslaand

 Dit von k bizundere foto. En nog bizunderder is de spreuk: "Wi weten waar Du wohnst." 

Zoveul behulpzoamheid as der vanuut gijt ien Ost-Friesland. 

Wij wieten woar doe woonst! Ien ons laand schriwt de ontvanger van zuks n spreuk moord en braand. Mien leven is ien t geding, zel hij of zij denken. De uutsproak betekent: Bedreigeng en onveilegheid ien ons laand. Ik krab mezulf nog ns achter oren. 

t Ken verkeren, zee Bredero.  

 

Winkel-wiesheden uut Emden

Ien Ost-Frieslaand ken je dit soort berichten tegenkommen. Dit is ien Stad Emden.

t Het veul weg van t Grunnegs, en toch even aans. Ost-Friezen schrieven 'waar' en spreken dit as t Grunneger "woar" of Drentse "waor" uut.