Ienspectie

Vogels hemmen et mor drok as der dingen op stroat leggen blieven. T wordt ok wel òfval noemd. Mor zo kieken zij der niet tegenaan. 

Ales wordt onderzocht deur dizze vogels, zeevogels en duven. Ze bennen beder ien t uut nkander hoalen van spullen as bij nkander brengen. Elk zien eigen aandeel. 

Summege minsen vienden dat ze der n bende van moaken.  

Vogels wieten gewoon woar heur kracht leit. As ze kloar bennen met ienspectie, goan ze weer vot.

Dan is t tied dat aandern stokje overnemmen. 

Agroarisch noatuurbeheer hoalt de zee met kokmiwen aan.

 Dit is misschien n wat vremde titel, mor t liekt onderhaand wel zo. 

Allerhande moatregelen veur weidevogels hemmen as gevolg dat zeevogels heur meer en meer thuus voelen. 

En ze leggen heur eier ien soorten en moaten. Eier verschillen staark ien kleur en vörm.

De vogels doar t om gijt: kokmiwen. Ze broeden ien Kollumerlaand, toch wel oardeg endje van e zee òf.

Ze zitten doar met zeuven poarkes te broeden op n eilaandje. Kluten bennen ien e minderheid: mor drie nusten. En dat hiet dan Agroaries Noatuurbeheer. 

Mor goed, ze helpen aal met bij t verdedigen van eier en jongen - van kiewiet, tureluur en gruto - tegen iendringers as kraaien en buizerds. 

Vissen op e Noordzee

Vissen doe'k zo nou en dan wel. Ien t knoal, diep of tocht. Mor zeevissen, dat is nij veur mij. Met de boot vissen goan op de Noordzee om makrelen te vangen. Zeevogels goan altied met minsen met.

Zo was et toen we met de boot van Lauwersoog vertrokken. En de golven bennen noeit geliek. Op zee bennen ze altied groder as an e kust. De zee blift onpeilboar.

Veul tied om foto's te moaken, hemmen je allenneg as der gien vis is. Wil t goed bieten, dan komt et niet goed uut; met smirrege vishanden mobieltje vastholden, dat het ok gien zin. 

Miwen deden heur te goed an t visòfval.

Vangst was goed; en lekker.