Zwammen ien t Reuzengebergte

Ien Zuudwest Polen leit t Reuzengebergte (ien t Duuts: Riezengebirge).

Ien t Pools hiet de streek: Dolnośląskie (Neder-Silesiën) (spreek uut as: Dolnoslonskje). Mooie bergwandelengen moakt. Je kwammen van ales tegen. Op gegeven moment zag ik n old stuk iezer uut de tweede wereldoorlog. n Roestbruun, rondachteg geval. Was t van n grenoat of was et van n panservoertuug? Fantasie ging even met mij op e loop.

Het was n: Dennenvoetzwam (Letien: Phaveolus schweinitzii. Woar die Duutse noam weg komt, he'k gien verkloareng veur).

Loater nog meer nije, vremde zwammen zien ien dit bizundere bos. Dizze swadde swammen hieten: Echte tonderzwam (Letien: Fomes fomentarius). Dat kon wel kloppen, docht ik, want ze kwammen wel echt over.

Goeie garantsies ien Polen - Jelenia Góra - Jelenja Goera

Op vekaansie kommen je altied nije dingen tegen. Zo was ik ien t zuudwesten van Polen, ien e stad Jelenia Góra (spreek uut op zien Westerkertiers: Jelenja Goera, met n Vriese g- klank, of de Griekse gamma).

Doar geven ze goeie garantsies bie de tandarts. Stomatologia - tandheelkunde. 

Bez bólu (spreek uut: Bez boeloe) - dat wil zeggen: Behandeleng "zunder zeer" doen. 

As ik dat vroeger as kiend lezen har, zol k drekst veur dizze tandarts kozen hemmen.

Mien zus gaf ik oeit n keer de road veur bij de tandarts as t slim zeer dee: Even tanden op nkander bieten. 

Achternoa zee ze dat zuks wat nou krekt niet de bedoeleng was. Ze har zowat ien e vinger van de tandarts beten.

Nieuwe column over Letterlijk en figuurlijk

In MeanderMagazine een nieuwe column (in het Nederlands) over letterlijk en figuurlijk. 

Column Meandermagazine

Tegenwoordeg heur-je zo voak t woord letterlijk, je worden der zowat met dood gooid. Ik roak der van ien de war. Woarom? Dat ken je aalmoal lezen ien dizze column. En tips om der wat aans tegen aan te kieken. 

Bizundere bomen

Sums zigst op bladden knobbels zo groot as n bes of n abbeltje. 

Dizze beuk zit huulmoal onder Buukgalmug (Beukengalmug). T liekt as stijt boom op eigenoardege menier ien blui.

Lindeboom het ok last van n parresietn soort miet.

Noam: Lindehoorntjesmiet (Lindehoorntjesmijt), dus gien iensekt. 

Oranje zwammen

Dizze oranje zwammen trof ik aan ien t bos vlakbij n beek ien zuudwest Polen - Reuzengebergte. Ze hieten Kleverig Koraalzwammetje. 

Met de app Obsidentify ken ik tegenwoordeg alle planten en paddestoelen n noam geven. Toch wel bizunder. 

Kunstkwartier Graceland - Lettelbert/Lepter 20 juli 2023

Aankommende dunderdag holdt Kunstkwartier Graceland, de eindpresentatie van t seizoen. 

 Thema: Bij ons tuus. Met veul muziek en verhoalen en poëzie.

t Begunt om 19.00 uur. Toegang: groatis.

Lokoatsie: Dorpshuis Watersportcentrum Lettelbert / Dörpshuus-Wottersportcentrum Lepter. 

Parkeren is aan de Hoofdstroat.

Gedichten ien t Ostfreesk / Oostfries

Klaus Groth zien olde huus stijt ien Heide (Sleeswiek). Ien Sleeswiek-Holstein stijt er bekend as dichter en schriever ien t platt-Duuts.

Der is ok n joarboek met zien noam. Ien t leste joarboek  2021 stoan n poar gedichten ien t Ostfreesk met n beschrieveng van Marianne Ehlers dat de titel het:

 Leste strofen van Du un ik:

Grünnen is redenen. 

Omzetteng van Westerkertiers noar t Oostfreesk deur Carl-Heinz Dirks uut Emden. 

 

Schier is t aal.