Meerkoeten gedijen ien zunneg weer

 Doar bennen ze aal weer: jonge vogels.

t Is wat ver vot en woazeg, mor ze bennen der. Rond 5-6 april har dit meerkoetenpoar aal jongen. 

Zes jongen zwommen ien t wotter. Vorst of gien vorst smörgens. Ze hemmen al gaauwachteg t olderlek nust verloaten. Datteg meter vedderop baauwen ollen aan n nij nust, meer beschut, meer rijten en gras en hoger boven t wotter uut. 

En nou is et wat regenachteg weer. Ienenent wordt ales groen. Bomen en struken bewiezen et elk joar weer vannijs: Veujoar begunt niet met zun mor met regen. 

Joar van de niet-kiewiet

Zowat elk joar wordt koppeld aan n vogel. Joar van de Gruto, joar van merel. 

Misschien het der ok wel n joar west van de sprutter, de wilster, k wiet niet wat. 

Mor de kiewiet het bij mien wieten nog gien joar op zien/heur noam had. t Joar van de niet-kiewiet is n oproep om even stil te stoan bij de grode stilte ien t laand en ons laandschap. Zelden zo weineg eier en nusten zien as dit joar. 

Mien kiender heb k et òflopen joaren geregeld zeid as ik t laand even ien ging om vogels en nusten te kieken. Willen jim met? Nou ken het nog, vogels zien en heuren. t Ken wezen dat as jim groot bennen, der aals mor minder vogels bennen. Wel wiet komt der n moment dat et niet meer ken. 

Dit roept veul gedachten op. Gedachten die deur t krassen van kraaien en roeken niet votgoan. 

Poaske-eier

Vroleke Poaskedoagen.

Zoveul eier ien soorten en moaten. Poaskedoagen was oeit tied van eier eten. 

Mien opa vertelde dat je vroeger zoveul mogelek eier eten mochten. En bij heur op de boerderij was der n knecht die kon wel 18 eier op. 

k Denk dat dat wel pieke-eier warren en gien ganze-eier. 

O ja, der stijt een nep ei op de òfbeeldeng. Mor welke? En wat bennen de noamen van vogels?  

Vriend - ansichtkoart

 Vriend is de titel van n gedicht. 

Der is altied hulp te vienden, krekt zo ien t gedicht. 

t Gedicht stijt ok ien de leste dichtbundel Uutkomst. De tekening met acryl is moakt deur Titia Oostenbrink. 

Ansichtskoarten bennen te bestellen. 

Wat is der aan de haand ien t Hoendiep? Der kommen toch FUPs!

Dit moak je niet voak met. 

Wat veur klimaatveranderengen der op komst bennen, wiet ik niet. Mor hier aan t Hoendiep nemt men nou wel drastische moatregelen. Is et Noorderzielvest? Is et de pervincie Grunnen? 

Alle olde beschoeiing van betunblokken, holtwaark, poalen en balken, bennen weghoald. Dat het ploats moakt veur n nije strakke wal met zwoare metoalen ploaten die der masjienoal iendreven worden. 

Mor hoe moeten vogels en misschien ok reeën doar met aan? Wel hoalt vanòf de wotterkaant nog de wal? 

Woar bennen de WUP Wild Uuttree Ploatsen? 

Wat moeten jonge piekjes van meerkoeten en futen en eendenpielen hier met aan? Met Molentocht ien Foanerpolder ging het met nije beschoeiing ok verkeerde kaant op. Woarom bennen dizze beschoeiing zo weineg diervriendelek? 

Ik heb n brief stuurd. En ja der is n antwoord kommen. 

ANTWOORD VAN NOORDERZIELVEST: 

Stalen damwanden zijn niet natuurvriendelijk en hoger dan de houten beschoeiing die er eerder was.

Dit klopt. De kruin van de N978 is ook een regionale kering. Er zijn twee redenen waarom de aanleg van een natuurvriendelijke oever hier geen optie was:

1. Het doorstroomprofiel van het Hoendiep is aan de krappe kant. Het flauw optrekken van bijvoorbeeld het talud richting het Hoendiep en het realiseren van een natuurvriendelijke oever zou resulteren in gedeeltelijke demping van het Hoendiep.

Omdat het Hoendiep al krap is, is dit geen mogelijkheid.

2. De provincie Groningen stelt dat verflauwing van het talud voor natuurlijke inrichting niet mogelijk is, omdat naast de weg een minimale afmeting voor de berm nodig is. Aangezien de kruin van de weg als regionale kering is aangewezen, is er geen ruimte om te verflauwen richting de weg door ruimtegebrek. Daarnaast zou de stabiliteit van de kering in het geding kunnen komen.

 Begroeiing is ten behoeve van werkzaamheden verwijderd, komt er ook herplanting?

• Het waterschap heeft geen bevoegdheid om een herplantplicht op te leggen, maar na contact met de provincie is duidelijk geworden dat de provincie een herplantingsplicht heeft. Er zullen dus wel nieuwe bomen worden aangeplant, echter niet langs het traject van de N978.
  De provincie heeft aangegeven dat deze bomen ergens langs de Friesestraatweg tussen Zuidhorn en Groningen zullen worden geplant. Hiervoor heeft de provincie al een omgevingsvergunning ingediend. 

Kunnen er eventueel fauna-uitstapplaatsen worden aangebracht?

• Vanaf 1 januari 2024 is in onze waterschapverordening in Artikel 3.127, eerste lid, onder d, opgenomen dat bij oeververdedigingswerken die aaneengesloten 100 meter of langer zijn, voor elke 100 meter een fauna-uitstapplaats (FUP) gerealiseerd moet worden. Echter, de vergunningaanvraag voor dit werk is eind 2023 ingediend, toen deze verplichting nog niet gold. Het is dus voor het waterschap nu niet mogelijk om fauna-uitstapplaatsen voor elke 100 meter alsnog af te dwingen.
• Wel is in het bestek van de provincie voor de aanleg van de damwand een post opgenomen voor de aanleg van 10 FUP's. Het hele traject waar de damwand wordt aangelegd is ongeveer 2660 meter lang. Met 10 FUP's zou dit betekenen dat gemiddeld om de 260 meter één FUP wordt geplaatst.
  De provincie heeft bevestigd dat de FUP's daadwerkelijk worden geplaatst.

Rooie pepers ienmoaken

Dizze blog gijt niet over recepten. Toch gijt dit over t ienmoaken van rooie pepers. 

Op een of andere menier vien ik dat mooi waark. En wat bennen de kleuren mooi! De varioatie zit hum der ien, dat je met kruden, siepels, look, mosterdzoad, venkel, koriander, suker, zolt ofwisseln kennen. Pepers bennen goed te combineren met stamppot moes.

Der komt weineg koken aan te pas. Kans op aanbranden is klein. Krekt as dat ik t liefst wat soep moak. Moaltiedsoep met 6-7-8 groenten. Gewoon wat snieden en achternkander ales ien e soeppan; noatuurlek wel met de goeie kruden en specerijen ien t gehak. 

Onze kiender hemmen doardeur kennelek leerd dat soepen dik bennen - en dat soepen altied dik bennen. Toen we n keer ien n restaurant soep kregen, zee dochter: Wat is dizze soep woatereg! 

Lamke ien t stro

t Veujoar zit der aan te kommen. Temperaturen kommen aal boven 20 groaden. Vorst liekt even ver vot.

Dit lamke holdt et nog even op de waarmte van stro en moeke-schoap.

Ah, doar zel je heur hemmen. Olle ooi kikt goedkeurend toe.