Tút, tuut en deruut ien Leek

Dit bret kom je tegen op Nienoord. Bij de parkeerploats is der n plak doar minsen even ien- en uutstappen moeten. n Grunneger variant op t engelse "Meet and Greet". Aanhoalen en votbrengen.

Tút en derút stijt der schreven. Ien t Frysk en niet ien t Westerkertiers. 

Ien t Westerkerties is t: Tuut en deruut. 

Tuut ken je met n alternatieve bril ok lezen as t klaksoneren van e auto.

   

Dichter Suze Sanders met Drents gedicht ien de Branden - Hunze

Òflopen moandagoavend is der n bret ien de Branden onthuld met ienformoatsie over de omgeveng en n gedicht ien t Drents.

Dichter Suze Sanders het t gedicht schreven en het bij de òfsluteng van t noatuurontwikkelengsprojekt t gedicht veurdroagen.

t Is n schier en passend gedicht worden. 

 Plak en tekst vallen soamen.

Poëzie in cijfers en getallen

(c) Willem Tjebbe Oostenbrink

Laatst is een column van mijn hand verschenen in Meander Magazine. Zie voor de link hier. 

Over poëzie en cijfers: https://meandermagazine.nl/2023/05/poezie-in-cijfers-en-getallen/

Nustje van tierntijntje - tjiftjaf

Langste dag het al weer west. Sinds verleden week worden doagen alweer korter. As je goed heuren, vernemmen je dat vogels veul minder fluiten.

Mor tierntijntje (tjiftjaf; letien: Phylloscopus collybita) heur je nog geregeld. n Koegelrond nustje dat zo wat niet te onderscheiden is, van omgeving. Met aan e ziedkaant n klein gatje dat toegang geft noar t nustje.

 

Der is wat regen vallen. Gras, kruden en boskes hemmen hard wossen. Bluistereg en vol bloemen, ien n overdoad aan geuren hangen takken en halmen zwoar. Doar tussen bewoaren ze heur eigen geheimen. 

Roerdomp - Rijtdomp met jongen ien t nust

Dizze vogel (LA: Botaurus stellaris, EN: Great Bittern) zigst niet elke dag. Sums heuren je uut rietvelden t vogelgeluud, dat misschien niet zo bekend veurkomt.

Nust met jongen - Roerdomp/Rijtdomp

Dizze jongen zitten verstopt ien e rijten. Zun schient deur de stengels en geft de jongen n bronzen glaans. 

 Bij de poten van t linker jong leit n viske te wachten.

Vremd nust

Dan kom je zuks wat tegen. Tussen e takken van n vledderbos. t Kon wel n wespenest wezen, docht ik zo, mor k heur de gien gezoem. Der warren ok naargens wespen te bekennen. 

t Nust har de kleur van de stam van de vledder, t ging huulmoal ien omgeving op.

Ik heurde piepen. Hoog gepiep. Van lutje vogeltjes. Steertmezen. (Staartmees; letien: Aegithalos caudatus).

n Toefke swadde veren dekt de iengang boven òf.

Roadsel oplöst - iegelswientje

Hoe komt et nou toch dat eier steeds vot bennen? Eier bennen opvreten, lege doppen leggen ien t legbakje. Noa n lange speurtocht wer t aal dudelek. Zo wer n groot roadsel oplöst.

Eerst vroeg k me òf wat veur dier t wezen zol. Der werden keutels vonden. Zol die van n matter wezen? Of n meert? Vroeger har ik n poar keer n meert ien e val zien. Doar kon je lang op wachten. De val kon wel vier, vijf moand open stoan. Doarom mozzen d'eier die ien e val lagen, elke 6 week ververst worden. 

Ien mei was der smörgens om vief uur n brudse piek ien buten an t koakeln. Loater was der elf uur soavends n piek ien buten. Der deugde wat niet, ien t piekehok, mor wat was der aan e haand?

Op de grode verkennengstochten kwam t iegelswientje bij de piek ien t legbak uut. 

Iegelswienen bennen verzot op eier. Dus zo gijt dat wat hinneweer ien e tuun. Mor pieken bennen met eierleggen uutweken noar t aandere hok. Ien dit hok is der gien plank, mor n trapke dat omhoog leidt noar t binnenhok. En doar woagt t iegelswientje hum niet aan.