Swaalfkes hemmen eikes

Boven ien e peerdestal het dit swaalfke zien nust moakt. Meimoand is nog mor krekt begonnen, of t nustje is al vol.

Met n voereng van veren en hooisprietjes, is et doar zacht leggen. Widde veren van zwoanen, swartstreepte-widde veerkes bennen van eenden. Zo helpen vogels nkander. Ok al het niet elkneen dat deur. 

Op 2 mei leggen ien dit nustje al vijf eikes. Broeden is begonnen. Dat worden vroege jongen!