Vleermuus op e weg

t Gebeurt niet voak dat je n vleermuus van dichtbij zien kennen. Dizze vleermuus wer dood vonden tiedens vekaansie. Mien dochter zee dat der n vremd beestje op e grond lag. 

De foto die k kreeg deed me denken aan toen we met n koppel schoeljongens n vleermuus vlak aan de drokke verkeersweg vonden. We verzoamelden veren en schedeltjes van vogels en zoogdieren, dat dizze paste der goed bij. 

Veul dieren ken je t beste zien as t leven der uut is.

Stienfebriek ien Rheiderlaand

Doar stonden we dan. Achter tralies leek het. n Dik hek hield ons weg van de leste stienfebriek van Midlum even boven t dörp Jengum - contreien van Rheiderlaand ien Oost-Vriesland. We liepen n aander pad òf. 

Denkelek was omgeveng vol van vozzen, want t was der van vallen vergeven.

Stemmeg was t aal.

 
 

Gdansk - omgang met honden

Ien Gdansk kwam k dit bret tegen ien n park hoe om te goan met honden. "PSAvoir Vivre". Ienspireerd deur de fraanse uutdrukkeng "savoir vivre". Psa is òfleid van t woord psy dat hond betekent (vierde noamval of akkusatief, om zo te zeggen). 

Mooie verbiendeng leid. 

Loater zagen we n hond ien t karretje. Mor hij mos hum zulf veuruut bewegen. 

 

Twee soorten toal ien Kasjoeben / Kashuby

 

Ien Kasjoeben / Kashuby wordt Kasjoebies sproken. t Contreien leggen ien t noorden van Polen, aan zuudwest kaant van Gdansk.  

Noast heur eigen toal, hemmen ze ok n eigen menier om automobilisten te bedanken veur rusteg rieden en denken om fietsers.  

k Begriep wel dat dit niet genderbestendeg is, mor k vond t mooi geboar om zo de hoed van vroeger te bruken veur moderne automobilist. 

Terug noar Erfurt

Noa tientallen joaren weerom naar Erfurt. Wis ik veul dat dizze stad meer as tweehonderd duzend ienwoners had. Binnenstad is riek aan olle kerken. Hoge dom toornt boven ales uut. 

Vermeldensweerd is dat, noadat Bonefoatius vroeg aan zien enne kwam ien contreien van Dokkum, et bisdom Erfurt toevoegd wer aan et bisdom Mainz. Doarmet was Erfurt heur onòfhankeleke positie kwiet. 

Oeit was der n brede stroom, nou kabbelt der n stroomke deur de stad. Je kennen der bij warm weer mooi deurhin lopen, veur òfkoeleng. 

Stad is opkalefoaterd en doarmet goed opfleurd. Zoveul mooie olle huzen, overal pleinen, terrassen, restaurants. 

Dizze kirrel kwam k tegen bij ons apartement. Zuks n poster he'k nog niet ien Nederlaand aantrovven, mor misschien he'k wat over t heufd zien.

t Gevoar komt tegenswoordeg niet meer van vijanden die te keren bennen met 15 meter hoge muren - en n poar meter dik. Stad hiet nou elkneen welkom.

Dizze hoas liep op de verdedigengswaarken even vrolek rond. 

Sorben ien Lausitz

We bennen bij Podrosche de Duuts-Poolse grins over goan. Verkeersborden bennen ien twee toalen. 

Ien dizze contreien wordt ok Sorbisch sproken. t Het wat weg van Pools en Tsjechisch. 

De overgang bij de grins was smal, n brug over de Neisse. n Moterrieder kon ons passeren. Autoos die ons ien e muit kwammen, mozzen wachten. 

Duutse grinswachters lieten ons zo deur. t Poolse grinsgebaauw har t toorntje. Gien mins te zien. 

• 

Leven van merels ien e tuun - (4) slöt

Tied om te goan. Vrijdag, de leste mörgen om wereld vanòf t nust te bezien. Van nou òf aan worden vleugels bruukt. Doar floepten ze achternkander t nust uut, Vijf zuskes en broerkes. Onder begeleideng van d'olle merels. 

Sinds die dag vlogen der olle merels rond en schetterden en riepen heur alarmroep. Tegen vogels, oksters, kraaien en katten. t Is mor n gevoarleke moand, zuks n zummermoand as juni. Wel zel t zeggen hoeveul jongen et redden zellen. Volwossen worden, is n lang grilleg pad, doar snel van òfweken wordt. Of kaans op stegen die doodlopen. 
 

Zo is n merelverhoal ten einde kommen - lös baseerd op t concept van meneer David Attenborough. Die moakt der misschien meer waark van, mor ik ken je zeggen, t valt niet met vogels ien t wild uutnkander te holden. n Verhoal dervan moaken om verschillende endjes te verbienden, ken altied.