Kwakkeln en kleuren met t weer

t Weer is wisselvalleg, ene dag vrust et, aandere dag is et regen en wolken.

Plumen van e rijten aan t Hoendiep fleuren op van zun die hum kloarmoakt veur t ondergoan. Nog n uurke en dan is beurd. 

Dreugvallen plakken ien t gebied veur wotterbaargeng aan e Redendiek onder Oldekerk bennen wit van vörst. Zo geft elk plak zien eigen kleur an t laandschap. 

Tiktak puzzel

Der is n puzzel, doar k me elke keer weer over verboazen ken. n Week leden moek ik dizze puzzel met mien dochter. 

De eerste keer da'k de puzzel zag, was toen mien moeke n olde segoaredeus van de hoge plank uut de kast hoalde. k Was n jonkje van n joar of vijf. 

t Was n puzzel van Tiktak - kovvie en thee, vertelde ze. As kiend har mien moeke de puzzel met heur broerke al moakt. Ik begon stukjes te leggen en was weer terug ien e tied. Herinnerengen werden as puzzelstukjes an mekoar leid. 

Ik zat met mien broer en broerke op die zotterdagmörgen an e keukentoavel. De swadde potkaggel brandde. Puzzelstukjes laggen uutspreid over toavel. 

Der was n hoan, met n boomtak met vogeltje derop. Hoe kon dat nou? De vogel har n geel deuske ien snoavel. 

Tiktak Noamirreg Thee uut Grunnengen aal sinds 1870. Tegenwoordeg ken-je t weer kriegen ien Stad en, k wiet niet woar, mor der bennen meer plakken woar je thee kopen kennen. Hoe old de puzzel percies is, ik zol t niet wieten. 

Wat n eigenoardege puzzel docht k toen ik hum de eerste keer zag. En ik denk het nog geregeld. Der bennen wel kanten an e puzzel, mor hoe mos je doar met aan? Hoe groot was dizze puzzel eiglieks? 

De tied verstreek en t schoot mor weineg op. Zo voelde et altied met dingen die lang duurden en mor niet opschoten. De lange weg noar schoel lopen. Wachten bij schoel op pabbe, of op de knecht die mij sums met de brommer kwam ophoalen. En mien jongere broerke doar har je ok niet veul an - nou was er alweer bij toavel votlopen. As mamme nou helpen kon, zol et vast beder goan. Mor ze mos eerst kovvie zetten. Domt kwammen pabbe, opa en knecht kovviedrinken. We mossen eerst zulf puzzeln.

Der warrren gezichten en figuren. Ien e midden zitten allerhande minsen an toavel ien n tuun. Zo nou en dan kwam mamme even kieken en hielp met wat stukjes. Op e achtergrond verscheen n Kovvie- en Theehuus. n Groen deuske met Tiktak kwam te veurschien. En ien e lucht ston ok al weer Tiktak. 

t Wer kovvietied en we atten n plak koek. Toen weer vedder met puzzeln en mamme hielp wat met. 

Zo kwam de puzzel toch nog òf veur t mirregeten. En weer was de puzzel wat scheef leid. De hoan kikt woakzoam krekt as vroeger met de kop wat omhoog. En links ien e steert van de grode hoan, kukelt n aandere hoan Tiktak! 

Toen was ze weer vot. 

   

Veren op e tegels

t Was graauw weer leste doagen. Ien e tuun liepen pieken lös.

Toen klonk der n ieselke kreet. Vanuut de koamer heurde ik buten t graauwen van n dier ien gevecht. Ik stond op om te kieken of alles ien orde was. Toen schoot ien n flits t silhouet van vogel aan t roam veurbij. 

Ik rende noar de keuken en keek noar de zithoek buten. Deur noar buten open, doar was t gebeurd. Donsveren, wat slagpennen. Die leken wat aan de kleine kaant veur n krielpiek. 

k Telde de pieken die woakzoam de hals uutrekt uut d'ogen keken. Ze warren der nog, de petrieskleurege ok. 

Misschien was et n koolmees, of n liester. En vermoedelek n sperwer, die moakt dat hoe k zangvogeltjes ok voer geef, voak aan t langste ènne trekt. Lekker dikkedakken op n tak. 

Gebeurtenis wer òfsloten met stilte. Toen gingen pieken weer vedder met woar ze bleven warrren. Achteruut krabben en ien e grond pikken as hong heur leven der vanòf. 

 

Poëzie lezen op 26 januari en 2 februari

Twee avonden met poëzie. 

Twee avonden om samen poëzie te lezen en naar elkaar te luisteren wat gedichten ons te zeggen hebben.

                                    Fluisteren is als regen op de zaadjes van geheimen.

                                                                                        Uit: Raadsel (2019)

We willen met elkaar de interesse voor poëzie delen. Wat is poëzie precies? Poëzie laat soms een ander licht schijnen, maar hoe doet poëzie dat? Bestaat poëzie uit geheimtaal? Moet je woorden op een andere manier uitspreken? Bestaat er een decoderingsysteem? Hoe is de structuur van een gedicht en waarin verschilt het van proza? Zijn de overeenkomsten tussen gedachtegangen in een gedicht en de verhaallijnen in proza? Hoe worden thema en motieven uitgewerkt?

We behandelen zowel moderne als oudere poëzie. We kijken welke stijlfiguren in de poëzie worden gebruikt, zoals climax, herhaling, opsomming, tegenstelling. We kunnen ook oefenen en aan de slag gaan om een concept-gedicht af te maken en dan bespreken waarom de ene variant beter is dan de andere.

Daarnaast zal er ruimte en gelegenheid zijn om met de inleider in gesprek te gaan over het schrijven van poëzie, de zin en onzin van poëzie, en wanneer is een gedicht nu af.

 Inleider dichter Willem Tjebbe Oostenbrink

Groepsgrootte max 12 personen

Tijd en plaats Klein Hanckema 20.00-22.00 uur

Interesse: laat het weten via:  willem.tjebbe.oostenbrink(AT)planet.nl

Gedichtenjûn/oavend ien Ljouwert/Lieuwarden

Dizze moand is t gedichtenmoand, of is de leste week van jannewoarie gedichtenweek? Hoe t ok zij: ENSAFH organiseert 27 jannewoarie 2023 om 19.00 uur:

De Grutte Gedichtenjûn yn Ljouwert yn popup-kafee de Gouden Leeuw - Tresoar

De Grote Gedichtenoavend ien Lieuwarden ien popkafee de Golden Liw - Tresoar.

 Fryske gedichten, en vedders allerhaande toalen en streektoalen, ienbesloten t Westerkertiers.

Verscheidende soorten wotter

Der is aal weer huul wat wotter vallen leste doagen. Gewoonlieks veul heil en zegen ien t nije joar. Tot nog toe meer Veul snij en regen, en dan veural van t leste. 

Wotter is der ien soorten en moaten. Zolt wotter, zoet wotter. Deurschienend en troebel wotter.

Ok niet aal t wotter weerspiegelt. Zo ken t wotter van een en dezulfde plas verschillend wezen. Woar dat aan leit, vroag k me òf. Misschien het wotter diepte neudeg veur weerspiegeleng. Niet te ondiepe plassen. Zol dat et wezen? Weerspiegeleng deur diepgang, en dat geft weer ruumte.

Veul heil en zegen ien t nije joar

Beste minsen, 

Veul heil en zegen ien t nije joar. 

Dit vogeltje vlugt met heur blaauw-gele kleuren met ons t nije joar ien. 

Òflopen veujoar kwam t dierke mien tuun ienvliegen en baauwde et n nustje ien t vogelkastje. k Docht dat t vogeltje allang aan t broeden was. Mor t nustje was verloaten en eikes warren kold. 

Dit joar hoop ik op nij bezoek van t blaauwmeesje. De vogel het de kleuren blaauw en geel van e Oekraiense vlag. Dat leek me ok wel passend.